Зеленский: Москва озиқ-овқат инқирозини кучайтирмоқда

Москванинг озиқ-овқат инқирозини кучайтиришга уринишлари ер юзидаги ҳар бир инсонга нисбатан тажовуздир. Бу ҳақда Украина президенти Володимир Зеленский урушнинг 240-кунидан кейин қилган видеомурожаатида айтиб ўтди.

Фото: Picture Alliance

«Душман озиқ-овқат экспортимизни секинлаштириш учун ҳамма нарсани қилмоқда. Менимча, Россия бу ҳаракатлари билан озиқ-овқат инқирозини атайлаб кучайтирмоқда, у эса жорий йилнинг биринчи ярмидагидек кескинлашиши мумкин», - деди Зеленский.

Унинг сўзларига кўра, бугунги кунда Украина қишлоқ хўжалиги маҳсулотларини етказиб бериш бўйича шартнома мажбуриятларини бажариш учун 150 дан ортиқ кемалар навбатда турибди.

«Бу сунъий навбат бўлиб, фақат Россия кемаларнинг ўтишини атайлаб кечиктиргани учун пайдо бўлди», - дея таъкидлади Украина президенти.

Бундан олдин Украина президенти Володимир Зеленский 8 октябр куни Қрим кўпригида содир этилган портлашга Киевнинг алоқаси йўқ эканини айтиб ўтганди.

«Билишимча, биз буни аниқ буюртма қилмаганмиз», деди Зеленский. Шу билан бирга, у портлаш Россия қуролли кучлари ва Россия махсус хизматлари ўртасидаги ички кураш натижаси бўлиши мумкинлигини тахмин қилди.

#Москва #Володимир Зеленский