«Миллий спорт мукофоти-2022»: Йилнинг энг яхшилари эълон қилинди

Бугун, 23 декабрь куни Ўзбекистоннинг 2022 йилги энг яхши спортчилари, мураббийлар, спорт фаоллари ва турли номинацияларда лауреатларни тақдирлаш маросими бўлиб ўтди.  

«Миллий спорт мукофоти-2022» тақдирлаш маросимини Спортни ривожлантириш вазири Адҳам Икрамов очиб берди. Шундан сўнг спорт федерациялари, ҳомий ташкилотлар ва мутасаддилар иштирокида йилнинг энг яхшилари эълон қилинди. 

Йилнинг энг яхши ёш спортчиси: Гулсевар Ғаниева (бокс) 

Йил кашфиёти: Шарифа Давронова (енгил атлетика) 

Йилнинг энг яхши ҳаками: Эшпўлат Ҳидоятов (спорт курашлари) 

Йилнинг энг яхши спорт шифокори: Рустем Аблялимов (велоспорт) 

Навбатдаги блок Паралимпия спортига бағишланди. Ундаги номинациялар ва ғолиблар: 

Йилнинг энг яхши ёш паралимпиячиси: Азизбек Бойназаров (пара сузиш) 

Йилнинг энг яхши пара спорт мураббийи: Бобур Қўзиев (пара таэквондо) 

Йилнинг энг яхши аёл паралимпиячиси: Гулжаной Наимова (пара таэквондо) 

Йилнинг энг яхши эркак паралимпиячиси: Сервер Ибрагимов (пара ўқ отиш) 

Навбатдаги номинацияларда ампутант спортчиларимиз тақдирланишди: 

Ампутантлар футболи ривожига қўшган ҳиссаси учун: Рустам Меҳмонов («Матонат» ногирон-ампутантлар футболини ривожлантириш маркази раиси) 

Футбол бўйича ампутантлар жамоаси фидойиси: Бахтиёр Ражабов (Футбол бўйича ампутантлар жамоаси фахрийси) 

Йилнинг энг яхши пара спорт клуби: Спорт курашлари клуби 

Йилнинг энг яхши спорт журналисти: Камолиддин Алимов (olamsport.com) 

Йилнинг энг фаол спорт тарғиботчиси: Тимур Низаев («Правда Востока» газетаси) 

Йилнинг энг яхши матбуот хизмати: Ўзбекистон енгил атлетика федерацияси (Виталий Жудро) 

Олимпизм тарғиботи йўлидаги узоқ йиллик хизматлари учун: Анвар Авазхўжаев 

Йилнинг энг яхши терма жамоаси: Оғир атлетика бўйича Ўзбекистон терма жамоаси 

Йилнинг энг яхши федерацияси: Ўзбекистон шахмат федерацияси 

Спорт тадбирларини ўтказиш бўйича энг яхши ташкилотчи: Ўзбекистон йилқичилик ва от спорти федерацияси 

Спорт соҳасидаги кўп йиллик хизматлари учун: Биродар Абдураимов (Ўзбекистонда хизмат кўрсатган мураббий, «Ўзбекистон ифтихори» фахрий унвони соҳиби) 

Миллий спорт турларини оммавийлаштиришга қўшган ҳиссаси учун: Ниғматилла Йўлдошев (Ўзбекистон Республикаси Бош Прокурори, Ўзбекистон кураш федерацияси раиси) 

Хотин-қизлар спортини ривожлантиришга қўшган ҳиссаси учун: Танзила Нарбаева (Ўзбекистон Республикаси Олий Мажлис Сенати раиси, Ўзбекистон велосипед спорти федерацияси раҳбари) 

Ёшларни соғлом турмуш тарзига жалб қилишдаги хизматлари учун: Абдусалом Азизов (Ўзбекистон Республикаси Давлат хавфсизлик хизмати раиси, Ўзбекистон футбол ассоциацияси раҳбари) 

Халқаро тадбирларнинг энг яхши ташкилотчиси: Осиё Олимпия кенгаши 

Шубҳасиз, барча интизорлик билан кутган номинацияларда йилнинг энг яхши мураббийи, аёл ва эркак спортчилари деб қуйидагилар тан олинди: 

Йилнинг энг яхши мураббийи: Илиас Илиадис (Дзюдо бўйича Ўзбекистон терма жамоаси бош мураббийи) 

 Йилнинг энг яхши аёл спортчиси: Светлана

Осипова (таэквондо ВТ бўйича жаҳон чемпиони) 

Йилнинг энг яхши эркак спортчиси: Музаффарбек Тўрабоев (дзюдо бўйича жаҳон чемпиони) 

Эслатиб ўтамиз, 2021 йил якунларига кўра боксчи Баҳодир Жалолов ва оғир атлетикачи Акбар Жўраев энг яхши спортчилар деб топилганди.