ISW: Россия қўшинлари Эрон дронларининг янги партиясидан фойдаланди
Россия қўшинлари Украинага яқинда берилган зарбаларда Shahed-136/131 типидаги Эрон дронларининг янги партиясидан фойдаланган. Бу ҳақда Америка урушни ўрганиш институти (ISW) ҳисоботида айтилди.
Мутахассисларнинг таъкидлашича, бир кун аввал россияликлар 25 кун ичида биринчи марта Киевга яна ҳужум қилиб, 20 апрелда жами 26 та, 21 апрелда эса 12 та учувчисиз учоқдан фойдаланган.
Украина ҳарбийлари мос равишда 21 ва 8 та дронни уриб туширди, дейилади ҳисоботда.
Бундан олдин Жанубий мудофаа кучларининг бирлашган мувофиқлаштирувчи матбуот маркази раҳбари Наталя Гуменюк Эроннинг камикадзе учувчисиз учоқлари янги партиясини қабул қилиб олган Россия яқиндаги сукунатдан кейин Украинага ҳаво ҳужумларини кучайтирганини айтганди.
Унинг сўзларига кўра, янги белгиларга эга «Шаҳед-136» дронларидан фойдаланиш Миколайив ва Одесса вилоятларида қайд этилган.
Гуменюкнинг таъкидлашича, россияликлар камикадзе дронлардан тинч аҳоли ўртасида кескинликни сақлаш, шунингдек, Украина ҳаво ҳужумидан мудофаа тизимлари ва муҳим инфратузилма объектларини излаб топиш учун фойдаланмоқда.
Мавзуга оид
07:50 / 20.09.2024
Малайзия Ўзбекистонда дронлардан фойдаланиш кўламини кенгайтиради
10:50 / 14.09.2024
Reuters: Россия ўз дронлари учун Хитой двигателларидан фойдаланяпти
16:58 / 12.09.2024
Россияда 8-9-синфлар учун дронлар бўйича дарслик чоп этилди
16:32 / 10.09.2024