Россиянинг учта самолёти Болтиқ денгизи узра тутиб олинди
Россиянинг Су-27 ва Ил-20 самолётлари транспондерларсиз учган. Уларни немис ва инглиз қирувчи самолётлари тутиб олди.
Германия ва Британия қирувчи самолётлари Болтиқ денгизи устидаги халқаро ҳаво ҳудудида Россиянинг учта разведкачи самолётини тутиб олди. Eurofighter қирувчи самолётлари иккита Су-27 ва битта Ил-20 самолётларини тутиб олди, улар «яна транспондерларсиз учган», деб хабар берди Германия ҳарбий-ҳаво кучлари 26 апрель, чоршанба куни Twitter микроблогида.
Болтиқбўйи мамлакатлари Эстония, Латвия ва Литва ўзларининг жанговар самолётларига эга эмас, шунинг учун 2004 йилдан бери НАТО кучлари улар ҳаво кенгликлари хавфсизлигини таъминлаб келмоқда. Шу мақсадда альянс иттифоқчилари навбатма-навбат ўз самолётлари ва ходимларини Болтиқбўйи мамлакатларига жойлаштиради.
Апрель ойи бошида, саккиз ойлик муддатдан сўнг, бундесвер НАТОнинг Болтиқ денгизи устидаги ҳаво хавфсизлиги миссиясини Буюк Британияга топширди. Апрель ойининг охиригача Германия Буюк Британияни қўллаб-қувватлашда давом этади ва май ойи бошида немис самолётларини Германияга қайтариш бошланади.
Мавзуга оид
22:00 / 18.09.2024
Финландия ва Эстония Болтиқ денгизида Россия флотини блоклаш режасини тайёрламоқда
21:36 / 30.08.2024
Россияга хорижликларни биометрик маълумотлар асосида киритиш таклиф этилди
20:36 / 30.08.2024
Мўғулистон Путинни ҳибсга олмайди — Кремл
16:39 / 30.08.2024