Шойгу Киевда яна бир Patriot зенит тизими «урилганини» маълум қилди
Россия мудофаа вазири Сергей Шойгу россиялик ҳарбийлар «сўнгги кунларда» Киевда Американинг Patriot зенит-ракета комплексига зарба берганини маълум қилди, деб ёзади РИА «Новости».
Шойгу селектор йиғилишида, шунингдек, май ойида Украина Қуролли кучлари камида 16 минг киши ва 400 дан ортиқ техникани йўқотганини айтди. Вазирнинг қўшимча қилишича, шу вақт ичида 196 та HIMARS ялпи ўт очиш реактив снарядлар тизими, 16 та HARM ракетаси ва 29 та узоқ масофага мўлжалланган Storm Shadow қанотли ракеталари тутиб олинган ҳамда йўқ қилинган.
Украина расмийлари ҳозирча Шойгунинг баёнотига изоҳ бермаган.
Россия Мудофаа вазирлиги 16 майга ўтар кечаси биринчи Patriot зенит тизими «Кинжал» ракетаси билан урилганини даъво қилмоқда. Пентагон 18 май куни Россиянинг Киевга ракета ҳужуми пайтида шикастланган ҳаво ҳужумидан мудофаа тизими таъмирланганини маълум қилди.
Киев май ойи бошидан бери, шаҳар ҳарбий маъмурияти маълумотларига кўра, 17 марта ҳаво ҳужумига учраган.
Мавзуга оид
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
13:26 / 04.09.2024
Руминиялик депутатлар Patriot тизимини Украинага беришни маъқуллади
18:04 / 29.08.2024
Шойгунинг яна бир собиқ ўринбосари қўлга олинди
09:40 / 16.08.2024