Тошкентда ҳаво ифлосланиши “жуда хавфли” даражага чиқди
3 январ оқшомида пойтахт ҳавоси таркибидаги PM2,5 зарралари миқдори ЖССТ белгилаган меъёрдан 35 баробарга ошиб кетиб, Тошкент ҳаво ифлосланиши рейтингида дунё шаҳарлари орасида иккинчи ўринга кўтарилди.
3 январ куни Тошкент шаҳрида ҳаво ифлосланиши яна юқори даражага чиқди.
Ўзгидромет маълумотига кўра, тонги соат 8:00 ҳолатига пойтахт ҳавоси таркибидаги PM2,5 майда дисперсли зарралар 1 метр куб ҳавода 67,5 микрограммга етган. Бу – Жаҳон соғлиқни сақлаш ташкилоти тавсияларидан (5 мкг/м3) 19 баробарга кўп.
Шунга кўра, IQAir портали 3 январ тонгида Тошкент ҳавосининг сифат кўрсаткичини “хавфли” тоифага киритган эди.
Оқшомга яқин ҳаво ифлосланиши янада ортиб, соат 18:00 ҳолатига “жуда хавфли” тоифасига ўтди: 1 метр куб ҳаво таркибидаги PM2,5 концентрацияси 173 микрограммга етди. Бу – ЖССТ тавсия қилган меъёрий кўрсаткичдан 35 баробарга юқори.
Ушбу натижа билан Тошкент шаҳри 3 январ оқшомида дунё шаҳарлари орасида ҳаво ифлосланиши бўйича 2-ўринга чиқди.
Соат 20:50 ҳолатига PM2,5 зарралари 104 мкг/м3 миқдорида – “хавфли” даражада қолмоқда.
Мавзуга оид
14:04
Тошкентда катта тезликда ҳаракатланган ҳайдовчи 19 ёшли қизнинг ҳаётига зомин бўлди
07:30 / 21.09.2024
Тошкентда машинасини сотишни айтиб, ўзганинг пулини ўзлаштирган шахс ушланди
14:28 / 20.09.2024
Сергелида BYD уриб юборган ўқувчи қиз вафот этди
12:20 / 20.09.2024