20 ёшли йигит Телеграмдан сохта ҳавола жўнатиб бировнинг 11,7 млн сўм пулини ўзлаштирди
Йигит фуқароларга Телеграм орқали сохта ҳавола жўнатиб банк карта маълумотларини қўлга киритган ва улардаги пулларни ўзлаштирган.
Тошкент шаҳрида яшовчи 39 ёшли Б.Р. ИИБга мурожаат қилиб, банк картасидан 11 млн 719 минг сўм пули номаълум шахс томонидан ўзлаштирилганини маълум қилган. Бу ҳақда ИИВ Киберхавфсизлик маркази хабар бермоқда.
Тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида, мазкур жиноятни Фарғона вилояти, Ўзбекистон туманида яшовчи 20 ёшли Х.З. содир этгани аниқланган.
Гумонланувчи сифатида тергов органларига жалб этилган Х.З. интернет фойдаланувчиларига Телеграм орқали турли хил мазмунидаги сохта ҳавола жўнатиб банк карта маълумотларини қўлга киритган ва улардаги пулларни ўзлаштирган.
Мазкур ҳолат юзасидан Х.З.га нисбатан Жиноят кодексининг 169-моддаси 3-қисми билан жиноят иши қўзғатилган.
Маълумот учун, Жиноят кодексининг 169-моддаси 3-қисмидаги жиноий хатти-ҳаракатлар учун 5 йилдан 8 йилгача озодликдан маҳрум қилиш жазоси назарда тутилган.
Мавзуга оид
10:35 / 13.07.2024
“Allianse Motors” мансабдорларига нисбатан жиноят иши қўзғатилди
15:25 / 07.07.2024
Навоийда вояга етмаган қизнинг зўрланиши ҳолати бўйича жиноят иши очилди – Бош прокуратура
10:57 / 29.06.2024
Самарқандда ўгай ўғлини камар билан савалаган отага жиноят иши қўзғатилди
10:31 / 26.05.2024