Россия яна Украина энергетика секторига зарба берди

26 июл, жумага ўтар кечаси Россия қўшинлари Украина бўйлаб йигирмадан ортиқ «Шаҳед-131/136» дронларини учирди. Учириш Қрим ва Курскдаги Чауда бурунидан амалга оширилди. Бундан ташқари, Россия ҳарбийлари Ростов вилоятидан учирилган «Искандер-М» баллистик ракетаси билан Донецк вилоятига ҳужум қилди. Украина Қуролли кучлари Ҳаво кучлари қўмондони Николай Олешчук ўзининг Telegram-каналида хабар берганидек, ҳаво ҳужумидан мудофаа кучлари Украинанинг тўртта ҳудудида ишлаган.

Натижада 22 та дрондан 20 таси уриб туширилди. Бироқ, «Шаҳед»лар қолдиқлари кетма-кет иккинчи кеча ҳужумга учраган Житомир вилоятидаги фуқаролик инфратузилмаси ва энергетика объектларига зарар етказди. Тинч аҳоли орасида қурбонлар йўқ. Вилоят ҳарбий маъмуриятидан маълум қилишларича, шикастланган объектларда таъмирлаш ишлари олиб борилмоқда, эрталаб вилоятда электр таъминоти қисман тикланган.

Шунингдек, Россия ҳужуми натижасида Чернихив вилоятининг Нежин шаҳридаги инфратузилма объекти ва ётоқхона зарар кўрган. Бир киши жароҳатланган.

Россия қўшинлари Украина ҳудудига ҳаво ҳужумларини тўхтатмай, мамлакат энергетика инфратузилмасини яқинлашиб келаётган қиш арафасида изчиллик билан йўқ қилишда давом этяпти.