Қўшимча функционаллар
-
Тунги кўриниш
Фирибгарлик билан ўзганинг номига онлайн кредит олган шахс ушланди
Гумонланувчига нисбатан Жиноят кодексининг 168-моддаси 3-қисми “а”, ”б”, “г” бандлари билан жиноят иши қўзғатилган.
Фото: Getty Images
Фарғонада алдов йўли билан ўзганинг номига кредит олган шахс ушланган. Бу ҳақда ИИВ Киберхавфсизлик маркази хабар бермоқда.
Сурхондарё вилоятида яшовчи 51 ёшли Б.К. ИИБга мурожаат қилиб, унинг номига номаълум сабабларга кўра онлайн кредит расмийлаштирилганини маълум қилган.
Тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида мазкур жиноятни Фарғона вилоятида яшовчи 36 ёшли Р.Э. содир этгани аниқланган.
Унга кўра, гумонланувчи Р.Э. жабрланувчи Б.К.га қўнғироқ қилган ва ўзини банк оператори сифатида таништириб, сохта ҳавола юбориш орқали унинг шахсий маълумотларини қўлга киритган.
Сўнг унинг номидан мобил илова орқали рўйхатдан ўтиб, онлайн тарзда 8 млн сўм онлайн кредит расмийлаштириб, пулларни ўзининг банк картасига ўтказиб олган.
Қайд этилишича, мазкур ҳолат юзасидан Р.Э.га нисбатан Жиноят кодексининг 168-моддаси 3-қисми “а”, ”б”, “г” бандлари билан жиноят иши қўзғатилган.
Мавзуга оид
08:58 / 12.12.2024
Kun.uz суриштирувидан сўнг: “Halal Auto Leasing” фирибгарлик схемасига нисбатан тергов бошланди
22:25 / 20.10.2024
Фирибгарлар Telegram орқали фотосурат кўринишида вирус юбормоқда
15:12 / 20.10.2024
Ўзини банк ходими деб таништириб, фуқаронинг пулларини ўзлаштирган шахсга жиноят иши қўзғатилди
08:10 / 17.10.2024