Tsukerbergning qo‘shnilari milliarderning qo‘riqchilari mashinalar o‘rinlarini egallab olayotganidan norozi bo‘lmoqda

Facebook asoschisi Mark Tsukerbergning qo‘shnilari milliarder doimiy yashaydigan Liberti-Xill tumani aholisi orasida xat tarqatishdi. Ular Tsukerbergning qo‘riqchilarini “doimiy va noqonuniy ravishda” mashina to‘xtash o‘rinlarini egallab turishda ayblashmoqda.

Ta'kidlanishicha, muhofizlar ikikta kumushrang jipda o‘tirishadi va Tsukerbergning uyini kuzatib borishadi.

Xat mualliflari tuman aholisini San-Frantsisko transport departamentiga, shuningdek, Tsukerbergning uy xavfsizligi menejyeri Tim Ventselga shikoyat qilib, vaziyatning o‘nglanishiga erishishda yordam berishni so‘ramoqda.

“Tsukning yonida yashash qiyin, desak, bunga ishonsangiz kerak, - deyiladi maktubda. – Bizning barimiz uzoq muddat davomida uning uyi ta'mirlanishiga chidab, sukut saqladik. Endi bu ishlar bitdi, lekin mashina to‘xtash joylarini egallab olgan ikki kumushrang jip bilan to‘qnash keldik”.