Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • O‘zbekiston | 15:20 / 25.01.2016
    26993
    2 daqiqa o‘qiladi

    Toshkentda GM Uzbekistan`ning yangi avtomobili sinovdan o‘tkazilmoqda

    Toshkent shahri ko‘chalarida GM Uzbekistan kompaniyasi tomonidan ishlab chiqarilishi belgilangan Chevrolet Aveo avtomobili sinovdan o‘tkazilmoqda. “Feysbuk”dagi “Voditeli Tashkenta” guruhi foydalanuvchisi sinovdan o‘tkazilayotgan bir necha rangdagi mashina fotosuratlarini e'lon qildi.

    Suratlardan ko‘rish mumkinki, avtomobilning old va orqa qismi qora tusda niqoblangan, davlat raqami o‘rniga esa lotin alifbosida “tajriba” so‘zi yozib qo‘yilgan.

    Eslatib o‘tamiz, 2016 yilning bahor oylaridan GM Uzbekistan kompaniyasi yangi Chevrolet Aveo modelini ishlab chiqara boshlaydi. Mazkur model Rossiya bozorida Ravon Nexia nomi ostida 379 ming rubl (taxminan 4,7 ming dollar)dan savdoga chiqarilishi kutilmoqda.

    Ma'lumot uchun, GM Uzbekistan 2015-2016 yillarda T250 platformasidagi avtomobillar ishlab chiqarishni tashkil etishga 104.2 mln dollar mablag‘ ajratdi. Ishlab chiqarish quvvati esa yiliga 73.6 ming avtomobilni tashkil etadi.