Xitoyda tavallud topgan to‘rt egizakka antiqa nom berildi
Xitoyning Jichjao shahrida dunyoga kelgan to‘rt egizakni Syaodun (Sharq), Syaonan (Janub), Syaosi (G‘arb) va Syaobey (Shimol) deb nomlashdi. Bu haqda, «Sinxua» agentligi xabar qilmoqda.
Egizaklarning onasi 27 yoshli maktab o‘qituvchisi Li Tszyuan bir necha yil muqaddam oila qurgan. Er-xotin uzoq vaqt farzand ko‘rishni orzu qilgan bo‘lsa-da, homilador bo‘la olmagan.
Xabarlarga ko‘ra, Li Tszyuan shifokorlarning tavsiyasiga binoan, ovulyatsiyaga turtki beruvchi dorilarni qabul qila boshlagach, 2015 yil noyabr oyida niyatiga yetgan. Ikki qiz va ikki o‘g‘il egizak jarrohlik amaliyoti yordamida, homiladorlikning 33 haftasida dunyoga kelgan. Ular muddatidan avval tug‘ilgani bois, bir oylar intensiv davolash bo‘limida saqlanishi aytilmoqda.
Egizaklarning bobosi va buvisi esa, chaqaloqlar uchun enaga vazifasini o‘zlariga olishgan.
Mavzuga oid
17:16 / 05.09.2024
“Bitta farzand” siyosatidan so‘ng: xitoylik ayollar haligacha bolali bo‘lishni xohlamayapti
18:00 / 02.09.2024
Xorijda uylanib olgan er, tanglikda qoldirilgan ona va kaltaklanayotgan bola – asl aybdor kim?
17:48 / 12.08.2024
Birni ko‘rib fikr qil, birni ko‘rib shukr... Xarobadagi Jannat
07:36 / 25.07.2024