Tramp va Putin uchrashuvidagi asosiy mavzuga oid ma'lumot berildi
AQSh prezidenti Donald Tramp va Rossiya davlat rahbari Vladimir Putinning ehtimoliy uchrashuvining asosiy mavzusi KXDR bo‘lishi kutilmoqda. Bu haqida Oq uy vakili yakshanba kuni OAV xodimlariga ma'lum qildi.
"Ishonchim komilki, ularning uchrashuvida suhbatning asosiy mavzusi KXDR bo‘ladi", - dedi Oq uy vakili jurnalistlarning savoliga javob berar ekan.
"Rossiya Shimoliy Koreya bilan chegaradosh. Ular ham vaziyatdan xavotirda. O‘ylashimcha, Shimoliy Koreya mintaqani inqiroz sari yetaklamoqda. Bunda, albatta, Rossiyaning o‘ziga xos roli bo‘lishi tabiiy. Rossiyaning BMT a'zosi sifatida BMT Xavfsizlik Kengashi rezolyutsiyasiga rioya qilishga oid majburiyatlari mavjud", - dedi AQSh ma'muriyati vakili.
Bundan avval Tramp Rossiya yetakchisi bilan ehtimoliy muzokaralarni muhim deb hisoblashini aytgandi. Zero Moskva Pxenyanga bosim o‘tkazishda yordam berishi mumkin. Shu bilan birga, u Putin bilan Ukrainadagi vaziyatni tinch yo‘l bilan hal qilish masalasini ham muhokama qilish niyatida.
Ta'kidlash joizki, RF prezidenti matubot kotibi Dmitriy Peskov ikki mamlakat rahbarining ehtimoliy uchrashuvi Vetnamda bo‘lib o‘tadigan Osiyo-Tinch okeani iqtisodiy hamkorligi (OTIH) sammitida muvofiqlashtirilishi haqida ma'lum qilgan.
Mavzuga oid
10:50 / 21.09.2024
Putin Sheynbaum inauguratsiyasida qatnashish uchun Meksikaga bormaydi
09:52 / 14.09.2024
YeI Putinning so‘zlaridan keyin Ukraina uchun qurol bo‘yicha o‘z pozitsiyasini o‘zgartirmadi
18:00 / 13.09.2024
Britaniya bosh vaziri Putinga: «Urushni Rossiya boshlagan va darhol tugatishi mumkin»
22:25 / 12.09.2024