OLX.UZ da yangi “Oziq-ovqat mahsulotlari/Ichimliklar” bo‘limi

O‘zbekistonda yetakchi onlayn e'lonlar servisi OLX.uz “Uy va Bog‘” ruknida yangi “Oziq-ovqat mahsulotlari / Ichimliklar” bo‘limini ishga tushirdi. Endilikda foydalanuvchilar har qanday qurilmadan to‘g‘ridan-to‘g‘ri yagona platformada turli ishlab chiqaruvchilar va distribyutorlardan oziq-ovqat mahsulotlarini xarid qilishlari mumkin.

Elektron savdo bozori butun dunyoda global tarzda rivojlanmoqda va O‘zbekiston ham mazkur yo‘nalishning faol o‘sishini namoyon etmoqda. Odamlar internet orqali tobora ko‘proq xarid qilishmoqda, chunki bu tez va qulay: onlaynda narxlarni solishtirish hamda o‘zi uchun hammasidan ko‘ra maqbul variantni tanlash mumkin. Savdo maydonchalari shu ma'noda eng yaxshi vosita, chunki foydalanuvchilarning so‘rovlari bo‘yicha takliflarning yaxlit bir spektrini taqdim etadi.

“OLX.uz O‘zbekistonda ecommerce’ning yetakchisi hisoblanadi – bugun servisda 350 mingdan ortiq e'lonlar joylashtirilgan. Foydalanuvchilar sotish yoki zarur narsani tezda va ortiqcha pul to‘lamasdan xarid qilish uchun bizga kelishadi, shu boisdan biz har bir yo‘nalishning rivojlanishi ustida ishlaymiz. “Oziq-ovqat mahsulotlari/Ichimliklar” bo‘limining paydo bo‘lishi do‘konma-do‘kon kezish vaqtini tejaydi – so‘raladigan tovarlar bir toifaga birlashtirilgan bo‘ladi. Biz OLX’da bo‘lishni yanada qulay va shinam qilishga intilamiz”, - deya sharhlaydi OLX.uz bosh direktori Doniyorbek Turg‘unov.

Yangi manzilda turli savdo markalarining oziq-ovqat mahsulotlari va ichimliklari, hattoki supermarketlarda yo‘qlari ham taqdim etiladi. Xaridorlar katta assortimentga, sotuvchilar esa – yangi muqarrar mijozlarga ega bo‘lishadi.

E'lonni istalgan qurilmadan: smartfondan, planshetdan yoki kompyuterdan chop etish mumkin. Buning uchun tezda ro‘yxatdan o‘tish, “E'lon berish” tugmasini bosish va “Uy va Bog‘” toifasida “Oziq-ovqat mahsulotlari/Ichimliklar”ni tanlash lozim. Chop etish paytida albatta mahsulotning yaroqlilik muddatini ko‘rsating.