Mahbuslar qamoqxona planshetlari orqali yuz minglab dollarni o‘marishdi
AQShning Aydaxo shtatida bir necha yuz mahbuslar qamoqxonadagi JPay planshetlarini buzib kirishgan va 255 ming dollarni o‘z hisoblariga o‘tkazishgan. Bu haqda Associated Press xabar berdi.
JPay kompaniyasi planshetlari o‘zini yaxshi tutgan mahbuslarga beriladi yoki qarindoshlari tomonidan taqdim etiladi. Mahbuslar planshet yordamida qamoqxona do‘konidan musiqa, kitob yoki o‘yinlar sotib olishlari mumkin.
Kompaniya xavfsizlik xizmati tizim buzilganini iyul boshida sezib qolgan va o‘g‘irlangan pullarning bir qismini qaytargan. Aniqlanishicha, 50ga yaqin mahbus o‘z hisoblariga ming dollardan tushirishgan, eng ko‘p pul tushirgan mahbus 10 ming dollardan ozroq pulga ega bo‘lgan.
“Xakerlar”ga zararni qoplamagunlaricha xaridlar qilish taqiqlandi, shuningdek, ularni saqlab turish sharoitlari qat'iylashtirilishi mumkin.
Mavzuga oid
09:50
RF AQSh saylovlariga ta’sir qilish uchun ko‘plab SI-kontentni ishlab chiqqani aytildi
23:07 / 23.09.2024
AQSh Yaqin Sharqqa qo‘shimcha harbiy kuchlarni yuboradi
20:21 / 23.09.2024
Tramp saylovda yutqazsa, yana prezidentlikka nomzodini qo‘ymasligini aytdi
11:30 / 23.09.2024