O‘zbekiston va Hindiston tinch atom sohasida hamkorlikni muhokama qildi
Joriy yilning 13 dekabrida «O‘zatom» agentligida Hindiston Respublikasining mamlakatdagi favqulodda va muxtor elchisi Vinod Kumar bilan uchrashuv bo‘lib o‘tdi.
«O‘zatom» xabariga ko‘ra, tomonlar atom energetikasi sohasidagi ikki tomonlama hamkorlikning dolzarb masalalarini, shu jumladan, O‘zbekistonda atom elektr stansiyasini qurish bo‘yicha loyihani amalga oshirishda Hindiston kompaniyalarini maslahatchi sifatida jalb qilish masalasini muhokama qilishdi.
Shuningdek, yadro texnologiyalaridan noenergetik foydalanish sohalarida, shu jumladan, radiofarmakologiya, rentgen diagnostikasi va nurli terapiya hamda qishloq xo‘jaligi mahsulotlarini yetishtirish va ularga ishlov berishda foydalanish haqida ham so‘z bordi.
Vinod Kumarning ta'kidlashicha, bunday hamkorlikni amalga oshirishda O‘zbekiston Respublikasi prezidentining Hindistonga davlat tashrifi yakunlari bo‘yicha Hindiston tomonidan O‘zbekistonga ajratilgan kredit liniyasidan foydalanish imkoniyati mavjud.
Ushbu kredit liniyasi doirasida onkologik bemorlarni davolash uchun diagnostik va davolash uskunalarini, shuningdek, mahsulot sifatini oshirish va eksport imkoniyatlarini kengaytirishga xizmat qiladigan qishloq xo‘jaligi mahsulotlariga ishlov berish uchun uskunalarni yetkazib berish imkoni yaratiladi.
Uchrashuvda batafsil ma'lumotlarni taqdim etish va masalalarni tegishli idoralar bilan muhokama qilish bo‘yicha kelishuvga erishildi. Hindiston tomoni Hindiston atom energetikasi departamenti bilan to‘g‘ridan-to‘g‘ri muloqot va hamkorlikni yo‘lga qo‘yishni taklif qildi.
Mavzuga oid
09:50 / 21.09.2024
Hindiston O‘zbekistonda elektromobillar uchun akkumulyatorlar ishlab chiqarishi mumkin
17:32 / 20.09.2024
Rossiya armiyasiga aldov yo‘li bilan jalb qilingan va urushga yuborilgan o‘nlab hindistonliklar vataniga qaytdi
22:24 / 19.09.2024
Samsung’ning Hindistondagi zavodi xodimlari ish tashlash e’lon qildi
01:33 / 14.09.2024