Ziyorat turizmi: Hindistonning imom va islom ulamolari delegatsiyasi O‘zbekistonga tashrif buyurdi
Hindistonning turli shtatlaridan bo‘lgan imom va islom ulamolari guruhi qator turoperatorlar bilan birga O‘zbekistonning ziyorat turizmiga oid salohiyati bilan tanishish maqsadida O‘zbekistonga tashrif buyurdi. Kun.uz muxbiri Hindistondagi O‘zbekiston elchixonasi vakillaridan olingan ma'lumotlarga asoslanib, shu haqida xabar berdi.
Hindiston delegatsiyasi 23 martdan 28 martga qadar Toshkent, Samarqand va Buxoro shaharlarida bo‘lib, hindistonlik salohiyatli ziyoratchilar uchun maxsus dasturlarni ishlab chiqishmoqda. Safardan qaytgach, guruh a'zolari Hindistonda O‘zbekistonning ziyorat turizmiga doir salohiyatini targ‘ib qilish bo‘yicha keng axborot ishini olib borishni rejalashtirgan.
Delegatsiyaning O‘zbekistonga tashrifi Hindistondagi O‘zbekiston elchixonasi hamda hamda Turizmni rivojlantirish davlat qo‘mitasi tomonidan tashkil etilgan.
Holiday Merchans kompaniyasi direktori Vikas Xanduri O‘zbekiston haqida shunday deydi:
“Ulkan turistik salohiyat va boy tarixiy-madaniy merosga ega O‘zbekiston jahon sayyohlik bozorida yetakchi o‘rinni egallash uchun barcha imkoniyatlarga ega. 21-23 fevral kuni Buxoroda bo‘lib o‘tgan Birinchi xalqaro ziyorat turizmi forumida O‘zbekiston ziyorat turizmi markazlaridan biriga aylanishi mumkinligiga ishonch hosil qildim. Shu bois Hindistonning turli shtatlari uchun O‘zbekistonga ziyorat turlarni amalga oshirishga doir turistik dasturlarni o‘z ichiga olgan yangi paketlarni ishlab chiqishga qaror qildik”, - deydi u.
Vikas Xandurining ta'kidlashicha, Hindistonda O‘zbekistonning muqaddas obidalarini ziyorat qilishni istovchilar ko‘p, xususan, Imom Al-Buxoriy, Bahouddin Naqshbandiy, Imom At-Termiziy kabi memorial komplekslari hindistonliklarda katta qiziqish uyg‘otmoqda.
Mavzuga oid
09:50 / 21.09.2024
Hindiston O‘zbekistonda elektromobillar uchun akkumulyatorlar ishlab chiqarishi mumkin
17:32 / 20.09.2024
Rossiya armiyasiga aldov yo‘li bilan jalb qilingan va urushga yuborilgan o‘nlab hindistonliklar vataniga qaytdi
22:24 / 19.09.2024
Samsung’ning Hindistondagi zavodi xodimlari ish tashlash e’lon qildi
20:50 / 17.09.2024