Qoʻshimcha funksionallar
-
Tungi ko‘rinish
Sport | 15:20 / 26.06.2019
7708
1 daqiqa o‘qiladi
David Silva «Manchester Siti»dan ketishini e'lon qildi
«Manchester Siti» yarimhimoyachisi David Silva keyingi mavsumda jamoani tark etishini ma'lum qildi. 33 yoshli ispaniyalik futbolchi bir yildan keyin erkin agentga aylanadi.
«Bu so‘nggi mavsumim. 10 yil men uchun yetarli muddat», – deya Silvaning so‘zlarini keltirgan Mirror.
Silva «Manchester Siti»ga 2010 yilda «Valensiya»dan o‘tgandi. U inglizlar klubida jami bo‘lib 395 o‘yinda maydonga tushdi va 70 gol urdi.
«Shaharliklar» bilan u to‘rt marta Angliya chempioni bo‘lgan (2011/12, 2013/14, 2017/18, 2018/19), ikki martadan Angliya Kubogida (2010/11, 2018/19) va mamlakat Superkubogida g‘alaba qozongan (2012, 2018), to‘rt marta Angliya Ligasi Kubogini (2013/14, 2015/16, 2017/18, 2018/19) qo‘lga kiritgan.
