Xorazmdagi harbiy qismga karantinga joylashtirilganlar orasida koronavirus tarqalgani haqidagi xabarlarga aniqlik kiritildi
Ushbu harbiy qismdagi karantin punktida 492 nafar fuqarodan Covid-2019 koronavirus kasalligini aniqlash maqsadida namunalar tekshirish uchun olingan
Bugun, 14 aprel kuni AOKA shtabida Bosh davlat sanitariya inspektori Nurmat Otabekov ishtirokida brifing bo‘lib o‘tdi.
Bosh davlat sanitariya inspektoriga Xorazm viloyatidagi harbiy qismda koronavirus bo‘yicha epidemiologik vaziyat noxush bo‘lgan davlatlardan keltirilgan odamlar karantinga joylashtirilgani, keyin shu karantindagilar orasida kasallik tarqab ketgani haqida savol berildi.
“Joriy yilning 22 mart kuni Moskva – Urganch (239 nafar) va Novosibirsk – Urganch (253 nafar) yo‘nalishidagi charter aviareyslarida jami — 492 nafar fuqaro Shovot tumanida joylashgan 49093-sonli harbiy qismda karantin gospitaliga joylashtirildi.
Joriy yilning 23-24 mart kunlari ushbu harbiy qismdagi karantin punktida 492 nafar fuqarodan Covid-2019 koronavirus kasalligini aniqlash maqsadida namunalar tekshirish uchun olindi.
2020 yil 25-27 mart kunlari virusologik tekshiruvlar natijasiga asosan, 7 nafar musbat natija qayd qilindi va u yerdagilar "Yoshlar" va "Hayot-NN" mehmonxonalari, Xonqa sanatoriysiga, TTA Urganch filiali klinikasiga, TATU Urganch filiali yotoqxonasiga ko‘chirildi”, - dedi Nurmat Otabekov.
Qayd etilishicha, hozir harbiy qismda fuqarolar qolmagan.
Mavzuga oid
18:40 / 18.09.2024
Urganch davlat universiteti tomonidan o‘tkazilgan tenderda qonunbuzilishi aniqlandi
11:40 / 10.09.2024
Xorazmda 4 tup daraxt kesgan shaxs jarima va zarar uchun 27,8 mln so‘m to‘laydi
10:43 / 05.09.2024
Latviya Xorazmda matematika va IT yo‘nalishida maktab ochadi
18:31 / 19.08.2024