O‘zbekistonning rasmiy zaxiralari hajmi 34 mlrd dollardan oshdi
O‘zbekistonning «xavfsizlik yostiqchasi» hajmi 34 mlrd dollardan oshdi.
Markaziy bank O‘zbekiston oltin-valuta zaxiralari statistikasini yangiladi.
2020 yil 1 avgust holatiga ko‘ra rasmiy zaxiralar 34,7 mlrd dollarni tashkil etdi. O‘zbekistonning zaxiralari zaif diversifikatsiyalangan, shuning uchun deyarli barcha miqdor oltin (20,7 mlrd dollar) va xorijiy valutadagi zaxira aktivlar (13,6 mlrd dollar) o‘rtasida taqsimlangan.
Markaziy bank ushbu ma'lumotlarni oshkor qila boshlaganidan beri (2017 yil kuzida) birinchi marta rasmiy zaxiralar 34 milliard dollardan oshdi. Ular asosan oltin narxining o‘sishi hisobiga ortdi.
Zaxiralar, shu bilan birga, mamlakatning «xavfsizlik yostiqchasi» deb ham hisoblanadi - ular salbiy tashqi shok holatlarda zarbani kamaytiruvchi omil sifatida zarur va zaxiralarning yetarliligi shok holatlarning xususiyatiga bevosita bog‘liq.
O‘zbekiston 20 oylik importni moliyalashtirish uchun yetarli zaxiraga ega ekani ma'lum bo‘ldi. Bu xalqaro tashkilotlar tomonidan tavsiya etilgan ko‘rsatkichdan ko‘p.
Bundan oldin, O‘zbekistonning xalqaro zaxiralari hajmi 32 mlrd dollardan oshgani xabar qilingandi.
Mavzuga oid
14:05 / 12.09.2024
Markaziy bank asosiy stavkani yillik 13,5 foiz darajasida o‘zgarishsiz qoldirdi
15:30 / 09.09.2024
O‘zbekistonning oltin-valuta zaxiralari 39 mlrd dollarga yetdi. Bu – rekord ko‘rsatkich
17:04 / 05.09.2024
O‘zbekiston ketma-ket ikkinchi oy eng ko‘p oltin xarid qilgan davlatlardan biri bo‘ldi
10:08 / 02.09.2024