Deputat Farg‘ona viloyati hokimining yangi birinchi o‘rinbosariga aylandi

Oliy Majlis Qonunchilik palatasi Korrupsiyaga qarshi kurashish va sud-huquq masalalari qo‘mitasining a'zosi Avaz Rustamovich O‘rinboyev Farg‘ona viloyati hokimining birinchi o‘rinbosari etib tayinlandi.

Avaz O‘rinboyev 1978 yilda Oltiariq tumanida tug‘ilgan. Farg‘ona politexnika institutini hamda O‘zbekiston Respublikasi Bank-moliya akademiyasini tamomlagan.

1996 yilda «O‘ztadbirkorbank» Oltiariq tuman bo‘limida o‘z mehnat faoliyatini boshlagan. 1999 yildan 2005 yilgacha «Asaka» Bank Oltiariq tuman bo‘limida, 2005-2011 yillarda Markaziy Bank Farg‘ona viloyat bosh boshqarmasida faoliyat olib borgan. 2011-2012 yillarda Tashqi iqtisodiy faoliyat Milliy bankining Qo‘qon filialini,  2012-2015 yillarda Farg‘ona viloyati bo‘limini boshqargan.

2015-2020 yillarda Oliy Majlis Qonunchilik palatasi deputati – Korrupsiyaga qarshi kurashish va sud-huquq masalalari qo‘mitasi a'zosi. 2020 yilda 107-Rishton saylov okrugidan Oliy Majlis Qonunchilik palatasi deputati etib saylangan.

• Avaz O‘rinboyev Farg‘ona viloyati hokimligida vakant lavozimni egalladi. 2020 yil aprelidan buyon Farg‘ona viloyati hokimining birinchi o‘rinbosari lavozimida ishlagan Mirzohid Ubaydullayev 2021 yil fevralida Farg‘ona shahrining yangi hokimi etib tayinlangandi.