Avstraliya aviakompaniyasi yo‘lovchiga bir milliard dollarlik hisob yozib berdi
Avstraliyaning Qantas aviakompaniyasi chiptalarni bronlash tizimidagi nosozlik hangomaga va ijtimoiy tarmoqlarda ko‘plab hazillar «bolalashi»ga sabab bo‘ldi.
Avstraliyalik hajvchi Deyv O’Nil Qantas aviakompaniyasining Melburn shahridan Pert shahriga reysiga chipta bronlash vaqtida o‘rindiq oldida kengroq joy taqdim qilinishi xizmatidan foydalanib, bu uchun aviakompaniyadan bir milliard dollarlik hisob oldi.
U bu noodatiy hodisa haqida Twitter’da ma'lum qildi.
«Salom, Qantas! Men istagan yagona narsa – bu Pertga reysda oyoqlar uchun biroz kengroq joy edi. Bunga to‘lovni amalga oshirishdan xursandman, biroq u kutganimdan biroz qimmatroq ekan», deb kinoya qilgan hajvchi va 987 million 999 ming 999 dollarlik summa yozilgan chipta suratini ilova qilgan.
Hey @Qantas all I wanted was extra leg room on my flight to Perth, very happy to pay for it but this seems a bit expensive.... pic.twitter.com/rB1GyXACUe
— Dave O'Neil (@itsdaveoneil) April 18, 2021
Ba'zi foydalanuvchilar O’Nil ko‘rinishicha, chipta bronlash vaqtida bir necha marta «samolyotni sotib olish» bandini bosib yuborgan deb hazil-mutoyiba ham qilishgan.
Keyinroq aniqlanishicha, chiptani bronlash vaqtida tizimda nosozlik yuz bergan. Aviakompaniyada ushbu holat taftish qilinmoqda.
Qantas vakilining aniqlik kiritishicha, hajvchi foydalanmoqchi bo‘lgan qo‘shimcha xizmat turi narxi aslida 70 Avstraliya dollari turadi.
Mavzuga oid
01:19 / 07.09.2024
Germaniya aviareyslarni kechiktirish va bekor qilish soni bo‘yicha yetakchiga aylandi
18:23 / 06.09.2024
Lufthansa Germaniyadan O‘zbekistonga aviaqatnovlarini tiklashi mumkin
23:05 / 26.08.2024
Avstraliya aviakompaniyasi xatolik tufayli 300 dan ortiq chiptani arzon narxda sotib yubordi
18:59 / 09.08.2024