Buxoroda ko‘p miqdorda giyohvand modda olib ketayotgan shaxs qo‘lga olindi
Qorako‘l tumani IIB hamda DXX Buxoro viloyati boshqarmasi xodimlari tomonidan ko‘p miqdorda giyohvand modda olib ketayotgan fuqaro qo‘lga olingan. Bu haqda viloyat IIB axborot xizmati xabar bermoqda.
Ma'lum qilinishicha, 2021 yil 30 oktabr kuni tumanning Do‘rman mahallasidan o‘tuvchi M-37 avtomobil yo‘lidan fuqaro Q.Sh. boshqaruvidagi “Lacetti” mashinasi to‘xtatilib tekshirilgan. Tekshiruv paytida mashinada yo‘lovchi sifatida ketayotgan 39 yoshli J.F. polietilen paketda 321,5 gramm marixuana giyohvand moddasini olib ketayotganligi aniqlangan.
Holat yuzasidan J.F.ga nisbatan jinoyat ishi qo‘zg‘atilib, hozirda dastlabki tergov harakatlari olib borilmoqda.
Oldinroq olotlik fuqaro xonadonida pol ostida giyohvand modda saqlab kelgani aniqlangandi.
Mavzuga oid
13:30 / 01.09.2024
Samarqandda 10 ming dollarga giyohvandlik moddasini sotayotgan shaxslar ushlandi
12:32 / 05.07.2024
“Ayritom” chegara bojxona postida qariyb 8 kg giyohvand modda to‘xtatib qolindi
08:41 / 02.07.2024
Marg‘ilonda uyida 37 kg giyohvand modda saqlayotgan shaxs ushlandi
20:46 / 28.06.2024