Samarqandda fermerga tegishli yerni 25 million so‘mga sotmoqchi bo‘lgan shaxs ushlandi
Samarqand viloyati Qo‘shrabot tumanida fermer xo‘jaligiga tegishli 13 sotix yerni 25 million so‘mga sotmoqchi bo‘lgan shaxs ushlandi. Bu haqda Bosh prokuratura huzuridagi Iqtisodiy jinoyatlarga qarshi kurash departamenti xabar bermoqda.
Ma’lum qilinishicha, Bosh prokuratura huzuridagi Departament hamda DXXning Qo‘shrabot tumani bo‘limlari tomonidan tezkor tadbir o‘tkazilgan. Tadbirda fuqaro T.T. “O.” fermer xo‘jaligiga qarashli 13 sotix yer go‘yoki o‘ziga tegishli ekanini aytib, fuqaro O.ga ushbu yer maydonini uy-joy qurish uchun 25 million so‘mga sotishga kelishib, shundan 2 000 dollar va 4,9 million so‘m olgan vaqtida ashyoviy dalillar bilan ushlangan.
Qayd etilishicha, mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga oid
18:17 / 20.09.2024
Paxta narxi: Fermerlar va klasterlar o‘rtasidagi shartnomalar fermerlarning zarariga o‘zgartirilmoqda
09:54 / 20.09.2024
Samarqandda qizlarni O‘mon davlatiga fohishalikka jo‘natgan ayollarga sud hukmi o‘qildi
12:16 / 14.09.2024
Samarqandda OIIB boshqaruvchilar kengashi yillik yig‘ilishi o‘tkaziladi
17:12 / 13.09.2024