Toshkentda avtobus ishtirokida YTH sodir bo‘ldi, ikki yo‘lovchi jarohat oldi
Toshkent shahrida "Isuzu" rusumli avtobus ishtirokida yo‘l-transport hodisasi sodir bo‘ldi. Bu haqda "Toshshahartransxizmat" AJ axborot xizmati xabar qilmoqda.
Joriy yilning 6 fevral kuni soat 06:37 lar atrofida "12-Avtobus saroyi" filiali tasarrufidagi, 59-sonli yo‘nalishda harakatlanuvchi "Isuzu" rusumli avtobus haydovchisi X.Yo. (1966 yilda tug‘ilgan, staji 33 yil), Yangihayot tumani hududidagi Yangi katta halqa avtomobil yo‘li bo‘ylab harakatlanib ketayotgan bo‘lgan.
Xabarda aytilishicha, u "Simma" mehmonxonasi qarshisida yengil avtomobil siqib ketishi natijasida yo‘l chetiga chiqib ketgan va old yon tomoni bilan ustunga borib urilgan.
Dastlabki ma’lumotlarga ko‘ra, ushbu yo‘l-transport hodisasi oqibatida ikki nafar yo‘lovchi yengil tan jarohati olgan, jabrlangan yo‘lovchilar shifoxonaga yetkazilib, tez tibbiy yordam ko‘rsatilgan.
Hozirda mazkur yo‘l-transport hodisasi Yo‘l harakati xavfsizligi boshqarmasi xodimlari tomonidan rasmiylashtirilgan hamda "Toshshahartransxizmat"ning Yo‘lovchi transportida harakat xavfsizligini nazorat etish boshqarmasi xodimlari tomonidan xizmat surishtiruvi o‘tkazilmoqda.
Mavzuga oid
19:38 / 18.09.2024
Toshkentda o‘ndan ortiq avtobus yo‘nalishi vaqtincha o‘zgaradi
20:48 / 10.09.2024
Toshkentda konduktor mast holda bo‘lgan shaxsni kuch ishlatib avtobusdan tushirib yubordi
11:05 / 08.09.2024
Samarqandda shaharlararo yo‘lovchi tashish avtobusida yaroqsiz go‘sht olib ketilayotgani aniqlandi
19:00 / 30.08.2024