Shavkat Mirziyoyev va Imomali Rahmon Yavon GESni qurish masalasini ko‘rib chiqdi
O‘zbekiston prezidenti Shavkat Mirziyoyev 15 sentabr kuni Tojikiston prezidenti Imomali Rahmon bilan muzokara o‘tkazdi.
Suhbat avvalida Tojikiston yetakchisi O‘zbekistonning Shanhay hamkorlik tashkilotidagi raisligini yuqori baholadi va prezident rahbarligida Samarqandda ro‘y bergan yangilanishlarni alohida qayd etdi.
Samarqand sammiti yakunlari ShHT doirasidagi ko‘p tomonlama hamkorlikni yanada mustahkamlashi va tashkilot xalqaro nufuzini yuksaltirishi ta’kidlandi.
Prezidentlar birodar mamlakatlar o‘rtasidagi do‘stlik va yaxshi qo‘shnichilik, strategik sheriklik va ittifoqchilik munosabatlari izchil kengayib, mustahkamlanayotganini qayd etdi. Joriy yil boshidan o‘zaro savdo hajmi 16 foizga oshdi. Iqtisodiyot turli tarmoqlarida, jumladan elektrotexnika, qishloq va suv xo‘jaligi, transport va boshqa sohalarda qo‘shma kooperatsiya loyihalari amalga oshirilmoqda.
Davlat rahbarlari mamlakatlar va butun mintaqa manfaatlariga javob beruvchi loyiha - Yavon GESni barpo etish bo‘yicha ishlar boshlangani muhim ahamiyat kasb etishini qayd etdi.
O‘zbekiston va Tojikiston yetakchilari dolzarb xalqaro va mintaqaviy masalalar yuzasidan ham fikr almashdi.
Mavzuga oid
20:00 / 02.09.2024
Imomali Rahmon bolalar va o‘qituvchilarni o‘zini kutib olish tadbirlariga chaqirishni taqiqladi
19:03 / 09.08.2024
Imomali Rahmon Markaziy Osiyo kelajagi uchun umumiy pozitsiyani shakllantirish kerakligini aytdi
22:20 / 20.06.2024
Tojikiston prezidenti hayitlik yig‘ish va milliylikka yot liboslarni taqiqlovchi qonunni imzoladi
20:07 / 09.05.2024