YuNISEF Markaziy Osiyoda bolalar bilan bog‘liq vaziyat yomonlashgani haqida xabar berdi
Bolalar salomatligi va himoyasi bilan bog‘liq muammolar sanab o‘tildi.
![](https://storage.kun.uz/source/9/iqgcUI_FTdrqAkNqIOFgwnWf91tl7zPT.jpg)
Foto: AP
Yevropa va Markaziy Osiyoda so‘nggi ikki yilda bolalarning ahvoli yomonlashmoqda, bu o‘z joniga qasd qilish holatlarining ko‘payishi, havo sifatining yomonlashuvi va aholi o‘rtasida tengsizlikning kuchayishida namoyon bo‘lyapti. Bu haqda Birlashgan Millatlar Tashkilotining Bolalar jamg‘armasi (YuNISEF) hisobotiga tayanib, Anadolu xabar berdi.
Yangi hisobotda global pandemiya, tabiiy ofatlar va mojarolar ushbu muammolarni kuchaytirib, sog‘liqni saqlash va ta’lim olishda tengsizlikka olib kelgani ko‘rsatilgan.
«Mintaqadagi yana bir muammo - bu maktab-internatlar va boshpanalarda yashovchi bolalarning dunyoda eng yuqori ko‘rsatkichidir. Shu bilan birga, ushbu muassasalarda nogironligi bo‘lgan, nosog‘lom oilalardan bo‘lgan qizlar va o‘g‘il bolalar ko‘p. Tibbiyotga kelsak, umuman olganda, Yevropa va Markaziy Osiyo mamlakatlari chaqaloqlar va bolalar o‘limi bo‘yicha dunyoda eng past ko‘rsatkichlarga ega. Ammo mintaqaning ba’zi hududlarida 5 yoshgacha bo‘lgan bolalar o‘limi dunyo bo‘yicha o‘rtacha ko‘rsatkichdan yuqori. Va bu o‘limlarning yarmidan ko‘pi oldini olish va davolash mumkin bo‘lgan kasalliklar bilan bog‘liq», deyiladi hujjatda.
Mutaxassislarning ta’kidlashicha, COVID-19 pandemiyasi bolalarning muntazam emlanishini jiddiy ravishda buzgan, mintaqadagi mamlakatlarning 95 foizi emlash qamrovi kamaygani haqida xabar bergan.
Oqibatda ikkinchi yil davomida viloyatda bir millionga yaqin bola rejali emlanmay qolgan.
«Pandemiya, shuningdek, bolalarning hissiy va ruhiy farovonligiga ta’sir qildi, Yevropa va Markaziy Osiyoda o‘z joniga qasd qilishlar soni sezilarli darajada oshdi», deyiladi hisobotda.
Yevropa va Markaziy Osiyodagi har besh boladan to‘rttasi me’yordan ortiq ifloslangan havodan nafas olayotgani aniqlangan.
YUNISEF mintaqa davlatlarini qashshoqlik va izolyatsiya xavfi ostidagi bolalari bor oilalarni ishonchli ijtimoiy qo‘llab-quvvatlash tizimlarini joriy etishga chaqirmoqda.
Mavzuga oid
![](https://storage.kun.uz/source/thumbnails/_medium/10/ASuB_KVr68x-kxZwKBrsnSN7YGuQGiis_medium.jpg)
08:10 / 19.09.2024
BMT Bosh assambleyasi Isroilni Falastin hududini tark etishga chaqirdi
![](https://storage.kun.uz/source/thumbnails/_medium/10/9Pu89KrF8S1NnREkcPHqmLviyrkxSrWX_medium.jpg)
18:36 / 14.09.2024
O‘zbekiston Global kiberxavfsizlik indeksidagi o‘rnini yaxshiladi
![](https://storage.kun.uz/source/thumbnails/_medium/10/XX3-_GPT86_Hq5p3S-e1F493jFUBezYr_medium.jpg)
09:37 / 09.09.2024
BMT: Ukrainada tinch aholi o‘limi keskin oshdi
![](https://storage.kun.uz/source/thumbnails/_medium/10/0Zh1DP4E0sJ9Z89B0HCFK-NFsz9leReJ_medium.jpg)
15:03 / 05.09.2024