Toshkentda kuchli yomg‘ir oqibatida ko‘p qavatli uyning bir necha balkoni qulab tushdi
Poytaxtning Yakkasaroy tumanida to‘rt qavatli uyning ikkita balkoni qulab tushdi. Hodisaga kuchli yomg‘ir tufayli yuqori qavatdagi balkonning suv bilan to‘lgani sabab bo‘lgan.
Toshkent shahar Yakkasaroy tumani hokimligi ma’lumotlariga ko‘ra, boshqa vayronagarchiliklar aniqlanmagan, aholi ham jabrlanmagan.
«Bugun ijtimoiy tarmoqlarda Yakkasaroy tumani Bobur ko‘chasida 1963 yilda qurilgan 59-uy 17-19-xonadonlarning balkon qismi kuchli yomg‘ir tufayli qulab tushgani haqida xabar tarqaldi.
Vaziyat Yakkasaroy tumani Favqulodda vaziyatlar bo‘limi qutqaruvchilari hamda Toshkent shahar hududiy uy-joy fondini nazorat qilish inspeksiyasi mas’ul shaxslari tomonidan zudlik bilan o‘rganildi.
Uyning ichki qismiga zarar yetmagan, aholi ham jabrlanmagan.
Shu munosabat bilan tegishli tashkilotlar tomonidan uyni instrumental texnik ko‘rikdan o‘tkazish rejalashtirilgan», — deyiladi xabarda.
Mavzuga oid
14:04 / 22.09.2024
Toshkentda katta tezlikda harakatlangan haydovchi 19 yoshli qizning hayotiga zomin bo‘ldi
07:30 / 21.09.2024
Toshkentda mashinasini sotishni aytib, o‘zganing pulini o‘zlashtirgan shaxs ushlandi
14:28 / 20.09.2024
Sergelida BYD urib yuborgan o‘quvchi qiz vafot etdi
12:20 / 20.09.2024