Qoʻshimcha funksionallar
-
Tungi ko‘rinish
Uzbekistan airways parki yangi samolyot bilan to‘ldirildi
Kompaniya birinchi marta Airbus-330-200 rusumidagi samolyotdan foydalanadi.
Foto: Uzbekistan airways
Uzbekistan airways aviakompaniya parki Airbus-330-200 rusumidagi samolyot bilan to‘ldirildi. Kema Islom Karimov nomidagi Toshkent xalqaro aeroportida tantanali kutib olindi.
Qayd qilinishicha, samolyot Toshkentdan amalga oshiriladigan mashhur xalqaro yo‘nalishlardagi tijorat reyslari uchun bahor-yoz mavsumida lizingga olingan.
Kema livreyasi oq rangda bo‘lib, illyuminatorlardan yuqorida joylashgan Uzbekistan airways nomi va logotipi bilan bezalgan.
A-330-200 samolyoti saloni 2/4/2 (yon qatorlarda 2 ta o‘rindiq, o‘rta qatorda 4 ta o‘rindiq) komponovkaga ega. Biznes-klass 18 ta o‘rin, ekonom-klass 248 ta o‘rindan iborat.
Har bir o‘rin pultli ekran, tortiladigan stollar va charm o‘rindiq bilan jihozlangan. Avval samolyot Rossiyaning «Aeroflot airlines» va Litvaning «Heston airlines» charter kompaniyasida foydalanilgan.
