Baxmutning bugungi ko‘rinishi va dron boshqarishni o‘rganayotgan askar. Urush suratlari

Ukrainada urushning 582-kuni o‘tdi. Asosiy ma’lumotlar:

• Vladimir Putin 30 sentabrni «Birlashish kuni» sifatida nishonlash to‘g‘risidagi qonunni imzoladi — shu kuni Rossiya Ukrainaning to‘rt hududini anneksiya qilgan.
• Polsha bosh prokurori 2022 yil noyabrida Pshevoduvga qulagan va ikki kishini o‘ldirgan raketa ukrainlarniki bo‘lganini tasdiqladi.
• Qozog‘iston Rossiyaga qarshi sanksiya rejimiga amal qiladi, dedi Qosim-Jo‘mart To‘qayev, tafsilotlarga to‘xtalmasdan.
• Volodimir Zelenskiy NATO bosh kotibi Yyens Stoltenberg bilan muzokaralar o‘tkazdi. Ukraina prezidenti qo‘shimcha havo hujumidan mudofaa tizimlari yetkazib berishni so‘radi.
• «Rossiya ozodligi» legioni Belgorod oblastida reyd o‘tkazgani haqida ma’lum qildi. Region rasmiylari diversantlar RF hududiga bostirib kirganini inkor etdi, ammo chegarada to‘qnashuv bo‘lganini tasdiqladi.
• RF qo‘shini dronlar bilan Ukraina hududiga yoppasiga hujum uyushtirdi. 44 ta uchuvchisiz uchar qurilmalarning 34 tasi urib tushirilgan.
• Amerikadagi Urushlarni o‘rganish instituti (ISW) ma’lumotiga ko‘ra, Eron va Rossiya uzoq masofaga harakatlanuvchi raketalar yetkazib berish bo‘yicha kelishuvga erishgan. BMT Xavfsizlik kengashining bunday kelishuvni taqiqlovchi rezolyutsiya amal qilish muddati 18 oktyabrda tugaydi.

Lviv. Frontda qo‘l-oyog‘idan ayrilgan ukrain askarlarining reabilitatsiya jarayoni

Izyum. Shahar ozod etilganining 1 yilligi

Ukraina qo‘shini Xarkiv oblastida rossiyaliklar tomonidan urushning ilk oylarida egallab olingan Izyum shahrini 2022 yil sentabrida ozod qilishgandi. Shahar ozod etilganining bir yilligiga Getty Images fotografi Kris Makgrat shaharning oq-qora panoramalari seriyasini nashr etdi.

Xarkiv oblasti Kupyansk shahridagi ko‘cha

Ukrain qo‘shini keng ko‘lamli bosqin boshida ishg‘ol etilgan Kupyansk shahrini 2022 yil sentabrida ozod etgandi. Bir yil o‘tgandan keyin ham shahar o‘qqa tutilishi davom etmoqda.

Konstantinovka o‘qqa tutilishi oqibatlari

Donetsk oblasti prokuraturasi xabar berishicha, 27 sentabr kuni rossiyalik harbiylar region shimolini — Konstantinovka shahrini, Toretsk va Kalinovka posyolkalarini o‘qqa tutgan. Prokuratura xabariga ko‘ra, hujum oqibatida mahalliy aholi vakili halok bo‘lgan, yana to‘rt kishi yaralangan. Otishma oqibatida gaz quvuri, elektr tarmog‘i va o‘nlab uylar hamda boshqa qurilmalar shikastlangan — binolarning derazalari to‘kilgan, eshiklar, tomlar vayron bo‘lgan.

Rossiyalik harbiylar dronlarni boshqarish bo‘yicha mashg‘ulotda

Baxmutning yuqoridan ko‘rinishi

Sentyabr oyi o‘rtalarida ukrain qo‘shini Kleshchiyevkani ozod etdi — Donetsk oblasti Baxmut shahridan 9 kilometr janubda joylashgan bu qishloqni RF armiyasi 2023 yil yanvaridan buyon ishg‘ol etib turgandi. Ukraina qurolli kuchlarining Baxmut atrofidagi yurishida qatnashgan ukrain harbiysi sentabr oyi oxirida CNN bilan suhbatda «Vagner» XHK jangchilari Ukrainaga qaytgani haqida aytdi. Yollanma jangchilar Baxmut atrofidagi jang maydoniga qaytgani haqida avvalroq rossiyalik militarist telegram-kanallar ham xabar bergandi. Quyida urushning eng qaynoq nuqtalaridan biri bo‘lib qolayotgan Baxmut shahrining bugungi holati aks etgan suratlar.

Kiyevdagi ertalabki tuman ichida qolgan «Ona vatan» yodgorligi