Navoiydan Moskvaga uchayotgan samolyot favqulodda qo‘nishni amalga oshirdi
Parvoz paytida yo‘lovchilardan birining mazasi qochgan, u shifoxonaga yotqizilgan.
Uzbekistan Airways aviakompaniyasining HY-9617 reysi bilan Navoiy-Moskva yo‘nalishi bo‘yicha parvoz qilayotgan samolyot havoga ko‘tarilganidan ko‘p o‘tmay Urganch shahri aeroportiga qo‘nishga majbur bo‘ldi. Bu haqda Uzbekistan Airports xabar berdi.
Qayd qilinishicha, bunga yo‘lovchilardan birining ahvoli yomonlashgani sabab bo‘lgan.
Bortida 107 nafar yo‘lovchi bo‘lgan samolyot Toshkent vaqti bilan soat 18:42 da Urganch shahri aeroportiga qo‘ngan. Yo‘lovchi (O‘zbekiston fuqarosi) reysdan olinib, Urganch shahri shifoxonasiga yotqizilgan.
Samolyot mahalliy vaqt bilan soat 19:51 da Moskvaga uchib ketgan.
Mavzuga oid
18:35 / 17.09.2024
Moskva oblastida 2025 yildan boshlab migrantlar mehnati cheklanishi mumkin
13:30 / 17.09.2024
Urganchda 2,9 mlrd so‘mlik noqonuniy dori vositalari aniqlandi
21:00 / 16.09.2024
Moskva oblastida politsiyachi mashinasida o‘zbekistonlik bolani bosib ketdi
10:45 / 12.09.2024