Hindistonda O‘zbekiston 7ta eng yaxshi sayohat yo‘nalishi ro‘yxatiga kiritildi
Hindistonning ixtisoslashgan Travel Links jurnali O‘zbekistonni 2024 yildagi yettita eng yaxshi sayohat yo‘nalishlari ro‘yxatiga kiritdi.
"Dunyo" xabariga ko‘ra, "Osiyoning sirli marvaridlarini kashf qiling. Yaqin Sharq va undan tashqaridagi 7 ta eng yaxshi yo‘nalish" sarlavhali maqola muallifi mazkur nashr 2024 yilda sayohat qilish uchun yettita yashirin marvaridni tavsiya qilayotgani haqida so‘z yuritgan.
Maqolaning mamlakat sayyohlik salohiyatiga bag‘ishlangan bo‘limi "O‘zbekiston: Ipak yo‘li mo‘jizalari va me’moriy ulug‘vorlik" deb nomlangan. "Markaziy Osiyoning qoq markazida joylashgan O‘zbekiston afsonaviy Ipak yo‘li bo‘ylab gullab-yashnagan boy tarix va madaniy uyg‘unlikning jonli dalilidir, – deb ta’kidlangan Travel Links jurnalida. – O‘zbek me’morchiligining ulug‘vorligini ifodalovchi maftunkor Samarqand shahridagi Registon maydonida mahobatli madrasalar majmuasi joylashgan".
Muallif qadimiy shaharning dunyoga mashhur diqqatga sazovor joylaridan tashqari uning hali kam o‘rganilgan manzillari bo‘ylab sayohat qilishni taklif qiladi. Bu esa tarixiy voqealar chorrahasi bo‘lgan shaharning qadri kamaymaydigan madaniy-ma’rifiy ahamiyatini aks ettiruvchi sirli xazinalarni kashf etishga ko‘mak beradi.
Mavzuga oid
09:50 / 21.09.2024
Hindiston O‘zbekistonda elektromobillar uchun akkumulyatorlar ishlab chiqarishi mumkin
17:32 / 20.09.2024
Rossiya armiyasiga aldov yo‘li bilan jalb qilingan va urushga yuborilgan o‘nlab hindistonliklar vataniga qaytdi
22:24 / 19.09.2024
Samsung’ning Hindistondagi zavodi xodimlari ish tashlash e’lon qildi
01:33 / 14.09.2024