Narendra Modi 2047 yilgacha Hindistonni boshqarishga qodirligini aytdi
Hindiston bosh vaziri o‘zini Xudo tomonidan tanlanganiga ishonishini ta’kidladi.
Hindiston bosh vaziri Narendra Modi o‘zini Xudo tanlagan odam deb atadi va Hindistonni yana 20 yildan ortiq boshqarishga qodirligini ma’lum qildi. Bu haqda TRT xabar berdi.
Hindiston rahbari Xudo uni iqtisodiy jihatdan rivojlangan Hindistonni shakllantirish uchun 2047 yilgacha hukmronlik qilishni tayinlaganini ta’kidladi.
«Ba’zilar meni aqldan ozgan deyishi mumkin, lekin men Xudo tomonidan maxsus tanlanganimga ishonaman. Shuning uchun ham men o‘zimni to‘liq Xudoga bag‘ishladim», dedi bosh vazir.
74 yoshli Modi 2047 yilga borib, kuniga 24 soat ishlash orqali Hindistonni iqtisodiy rivojlangan davlatga aylantirishga va’da berdi.
«Rivojlangan Hindistonga erishish uchun Xudo menga kuniga 24 soat ishlashimni buyurganiga ishonaman», dedi u.
Narendra Modi 2014 yildan beri Hindiston bosh vaziri hisoblanadi.
Mavzuga oid
09:50 / 21.09.2024
Hindiston O‘zbekistonda elektromobillar uchun akkumulyatorlar ishlab chiqarishi mumkin
17:32 / 20.09.2024
Rossiya armiyasiga aldov yo‘li bilan jalb qilingan va urushga yuborilgan o‘nlab hindistonliklar vataniga qaytdi
22:24 / 19.09.2024
Samsung’ning Hindistondagi zavodi xodimlari ish tashlash e’lon qildi
01:33 / 14.09.2024