BYD YUAN UP elektromobilining rasmiy narxi e’lon qilindi

Shu yilning 16 oktyabr kuni Toshkent shahrida yangi BYD YUAN UP elektromobilining rasmiy taqdimoti bo‘lib o‘tdi. CAYex markazida tashkil etilgan bu tantanali marosim qatnashchilarga zamonaviy texnologiyalar va elektromobilning texnik xususiyatlari bilan bevosita yaqindan tanishish imkonini berdi. Tadbirda namoyish etilgan ushbu yangi model mamlakatimizda eng ko‘p sotiluvchi elektromobillardan biri bo‘lishi kutilmoqda.

Tadbir tafsilotlari

Haqiqiy texnologik shouga aylangan YUAN UP taqdimotida yangi avtomobilning nafaqat texnik xususiyatlari, balki uning shahar hayotidagi qulayliklari va xavfsizlik imkoniyatlari ham namoyish etildi. Har bir ishtirokchi mashinani yaqindan ko‘rib, uning zamonaviy yechimlari va afzalliklari haqida batafsil ma’lumot oldi.

BYD YUAN UP xususiyatlari

BYD YUAN UP – oilaviy foydalanish uchun qulay elektr SUV bo‘lib, ixchamlik va kenglikning ideal muvozanatini o‘zida mujassam etgan. Tashqi jihatdan ixcham bo‘lsa-da, ichki makon juda keng bo‘lib, oilaviy sayohatlar uchun juda mosdir. Uning ixcham hajmi va kichik burilish radiusi shahar sharoitida boshqaruvni osonlashtirib, tor ko‘chalarda va to‘xtash joylarida harakatlanishni yengillashtiradi. Bu elektromobil o‘z segmentida ilg‘or texnologiyalari va ko‘p funksiyaliligi bilan ajralib turadi.

Avtomobilning tashqi ko‘rinishi “Dragon Face” uslubida yaratilgan bo‘lib, uning nafis dizayni nafaqat jozibador ko‘rinish beradi, balki aerodinamik samaradorlikni ham oshiradi. Salon ichi eko charmdan tikilgan o‘rindiqlar, 12.8 dyuymli adaptiv aylanuvchi ekran, aqlli ovozli boshqaruv, o‘zbek va rus tillaridagi interfeys kabi zamonaviy texnologiyalar bilan jihozlangan bo‘lib, haydovchi va yo‘lovchilarga maksimal qulaylik yaratadi. Oldingi o‘rindiqlar elektron kontrollerlar yordamida sozlanadi va isitish tizimi bilan jihozlangan bo‘lib, har qanday ob-havoda qulaylikni ta’minlaydi.

4G bulut xizmati avtomobilni uzoqdan boshqarish imkoniyatini beradi. Smart NFC kartochkali kalit esa mashinaga oson va xavfsiz kirishni ta’minlab, aqlli ulanish imkoniyatlarini yanada takomillashtiradi. Mobil ilova yordamida mashinani masofadan boshqarish, masalan, eshiklarni qulflash yoki konditsionerni yoqish kabi vazifalarini bajarish mumkin. Bu haydovchilarga qo‘shimcha qulaylik yaratadi.

Avtomobil 360 darajali kamera tizimi va 3D panoramali ko‘rinish funksiyasi bilan jihozlangan. Bundan tashqari, avtomobilda o‘rnatilgan parkovka datchiklari har qanday to‘siqlarni oldindan sezib, haydovchini ogohlantiradi, bu esa mashinani to‘xtash joyiga qo‘yishni ancha oson va xavfsiz qiladi.

BYD YUAN UP yuqori mustahkamlikdagi materiallar va oltita xavfsizlik yostiqchasi bilan jihozlangan. Unda xavfsizlikka alohida e’tibor qaratilgan. BYD’ning ilg‘or “e-platforma 3.0” va CTB (Cell to Body) akkumulyator texnologiyasi asosida yaratilgan ushbu model xavfsizlik va samaradorlikni oshirish bilan birga keng ichki salon va to‘liq zaryadda 401 km (CLTC) masofagacha yurish imkoniyatini taqdim etadi. Ilg‘or issiqlik nasos tizimi -30℃ dan +60℃ gacha juda samarali ishlaydi, bu esa sovuq ob-havo sharoitlarida ham hech qanday muammosiz harakatlanishni ta’minlaydi. Bundan tashqari, YUAN UP turli xil sharoitlarga boshqaruvni moslashtirish uchun to‘rtta haydash rejimiga ega: Eco, Sport, Normal, Snow.

Shuningdek, oltita parkovka sensorlari, aqlli tormoz tizimi, kruiz nazorati va tog‘dan tushish nazorati kabi funksiyalar haydashni oson va yoqimli qiladi. Ushbu elektromobil VTOL texnologiyasi bilan ham jihozlangan bo‘lib, uni ochiq havodagi dam olish va sayohatlarda mobil quvvat manbaiga aylantirish imkonini beradi. Uzoq joylarda ham elektr jihozlarini qulay tarzda quvvatlashingiz mumkin, shu bois BYD YUAN UP sizning har doim aloqada va to‘liq quvvatda bo‘lishingizga yordam beradi.

YUAN UP narxi

YUAN UP hozirda BYD’ning O‘zbekistondagi barcha rasmiy dilerlarida sotuvga chiqarildi. Avtomobil uchun 6 yil yoki 150 000 km kafolat, batareya va elektr tizimlari uchun 8 yil yoki 150 000 km kafolat taklif etiladi. Shuningdek, xaridorlar 1 yil davomida har oy 2 GB internet trafigidan bepul foydalanish va 7 kVt quvvatlovchi quti, VtoL quvvatlash qurilmasiga ega bo‘lishadi. YUAN UP modelini xarid qilgan har bir mijozga yuqori darajadagi xizmat ko‘rsatish va qo‘llab-quvvatlash kafolatlanadi.

YUAN UP to‘rt xil rangda mavjud: yashil, qora, oq va kulrang. Bu model O‘zbekistonda faqat premium “401KM FLAGSHIP” komplektatsiyasida sotuvga chiqarildi.

Uning narxi - 266 700 000 so‘m

YUAN UP va BYD’ning shahar elektromobillari qatoridagi boshqa modellar haqida qo‘shimcha ma’lumot olish uchun rasmiy veb-saytimizga tashrif buyuring yoki ijtimoiy tarmoqlarda bizni kuzatib boring.

Ma’lumotlar uchun:

Rasmiy ishonch telefoni: 1811

Veb-sayt: https://bydauto.uz

Instagram: @bydauto.uz

Facebook: @bydauto.uz

Telegram: t.me/bydautouz

Reklama