Mers Germaniya kanslerini Putin oldidagi qo‘rquvni yengishga chaqirdi

XDI/XSI muxolifat blokidan Germaniya kansleri lavozimiga nomzod Fridrix Mers Germaniya hukumatining amaldagi rahbari Olaf Sholsni o‘z pozitsiyasi bilan Rossiya prezidenti Vladimir Putinning Ukrainadagi urushni davom ettirishiga hissa qo‘shganlikda aybladi. Xristian-demokratik ittifoq raisining 16 oktyabr, chorshanba kungi bayonoti Sholsning Bundestag deputatlari oldidagi nutqiga javob bo‘ldi.

«Sizning pozitsiyangiz bilan bog‘liq holda, siz Ukraina o‘z harakatlarida cheklanib qolgan holda Putinga qarshi kurashishga majbur bo‘lganligi uchun ham shaxsiy javobgarsiz», — deya Mers so‘zlarini keltiradi dpa agentligi. «Bu endi davom etishi kerak emas», deya qo‘shimcha qildi u.

Putin «taktik yadro qurolidan foydalanish tahdidlari G‘arbga, jumladan, sizga ham jiddiy ta’sir ko‘rsatadi, degan xayolga borishi tabiiy», dedi Mers Sholsga. «Janob kansler, siz uchun ham, biz uchun ham Ukrainadagi fojialarga birgalikda chek qo‘yish uchun Putindan qo‘rqishni yengish vaqti keldi», — deya ta’kidladi muxolifat yetakchisi.

GFR kanslerligiga nomzod: Kiyev uchun g‘alaba - hududlar nazorati

Ukrainaning Rossiyaga qarshi urushda g‘alabasi uning hududi ustidan nazoratni qaytarish va Rossiya qo‘shni davlatga hujum qilishni to‘xtatadigan vaziyat bo‘lishi kerak. Bu fikrni 29 sentabr kuni Bild tabloidiga bergan intervyusida muxolifatdagi Xristian-demokratik ittifoq/Xristian-sotsial ittifoq (XDI/XSI) blokidan Germaniya kansleri lavozimiga nomzod Fridrix Mers bildirdi.

«Ukraina hech qachon Rossiyani (harbiy jihatdan) mag‘lub eta olmaydi, - dedi Mers. - Ammo men uchun g‘alaba uning hudud ustidan suverenitetini qaytarib olishi kerakligini anglatadi. Biz Rossiyaga harbiy kuch ishlatish bilan urushni davom ettirish befoyda ekanligini ko‘rish uchun hamma narsani qilishimiz kerak».