АҚШнинг яна бир штатида “Ҳарви” туфайли фавқулодда ҳолат эълон қилинди 

АҚШ президенти Дональд Трамп Луизиана штатида «Ҳарви» тропик пўртанаси туфайли фавқулодда ҳолат режимини эълон қилди. Бу ҳақда Оқ уй матбуот хизмати хабар бермоқда.

«Президент Дональд Трамп Луизиана штатида ФҲ режимини эълон қилди ҳамда штатнинг тезкор хизматлари ҳамда маҳаллий маъмуриятига «Ҳарви» тропик пўртанаси натижасида юзага келган фавқулодда ҳолатлар билан курашишда федерал ёрдам кўрсатиш бўйича қўшимча чоралар ҳақида фармойиш берди», - дейилади хабарда.

Фото: АҚШга 12 йил ичидаги энг кучли довул ёпирилди

Аввалроқ Мексика ҳукумати АҚШга “Ҳарви” довули оқибатларини бартараф этишда ёрдам таклиф қилганди.