Қўшимча функционаллар
-
Тунги кўриниш
Мьянма етакчиси роҳингя мусулмонлари ҳудудига биринчи марта келди
Фото: Reuters
Мьянма ТИВ раҳбари ва мамлакат етакчиси сифатида қабул қилинувчи Аун Сан Су Чжи роҳингя мусулмонлари тарк этган Ракхайн ғарбий штати ҳудудига биринчи марта ташриф буюрди, деб хабар бермоқда Reuters.
Агентлик маълумотларига кўра, Мьянма етакчиси бортида бўлган ҳарбий вертолёт штат пойтахти Ситуэ шаҳрига маҳаллий вақт билан соат тахминан 9.00да (Тошкент вақти билан 8.00да) қўнган.
Бу роҳингялар уйларининг ёқиб юборилиши ҳамда уларга қуролли ҳужумлар туфайли юзага келган гуманитар инқироз бошланганидан сўнг сиёсатчининг биринчи ташрифидир.
Аун Сан Су Чжи вакилининг хабар беришича, у роҳингялар анклавлари жойлашган асосий ер – Маунгдо аҳоли пунктига ҳам боришни режалаштирган.
Агентлик маълумотларига кўра, 600 мингдан ортиқ инсон у ердан қўшни Бангладешга ўтиб кетган.
Су Чжи Ракхайнга 2015 йилдаги сайловларда ғалаба қозонганидан сўнг умуман келмаганди.
Мьянма фожиалари
Ўтиб бораётган ҳафта давомида Мьянмада истиқомат қилувчи кам сонли роҳингя жамоалари яшайдиган 2,600 дан ортиқ уйларга ўт қўйилди.
Мавзуга оид
21:07 / 30.12.2022
Мянма суди Аун Сан Су Чжини яна етти йиллик қамоқ жазосига ҳукм қилди
08:18 / 26.12.2022
Мьянма ҳудудида мушкул аҳволга тушиб қолган 15 нафар фуқаро Ўзбекистонга қайтарилди
14:39 / 12.10.2022
Мьянмада собиқ бош вазир Су Чжига яна 3 йил қамоқ жазоси берилди
08:53 / 16.08.2022