Қўшимча функционаллар
-
Тунги кўриниш
SpaceX дунёдаги энг кучли ракетани синовдан ўтказди
Фото: twitter/@elonmusk
АҚШнинг SpaceX компанияси 24 январда Falcon Heavy ракетасининг турган ҳолатда ўт олдириш синовини ўтказди. Бу ҳақда компания раҳбари Илон Маск маълум қилди. Синов вақтида Жон Кеннеди номидаги коинот марказининг 39А старт майдонида вертикал ҳолатда ўрнатилган, дунёдаги энг кучли ракетанинг биринчи поғонасининг 27 та Merlin 1D двигателлари бир вақтда ишга туширилди.
Двигателлар 12 сониягагина ёқилган. Синовлар вақтида ракетанинг муҳим тизимлари иши текширилди. Таъкидланишича, ракета двигателларининг шовқини старт майдончасидан 50 км узоқликда ҳам эшитилган, синов ҳудуди қуюқ булут билан қопланган.
Конструктив жиҳатидан Falcon Heavy’нинг 1-поғонаси марказий блок ва бир жуфт ён тезлаштиргичлардан иборат. Ракета паст таянч орбитага 63,8 тонна юк олиб чиқа олади, унинг учирилиши 90-120 млн доллар туради.
Ракета январда учирилиши режалаштирилган, у Марсга Маскнинг шахсий машинаси Tesla Roadster’ни етказади.
My raw video of the #SpaceX Falcon Heavy static-fire at Kennedy Space Center. Come for the cloud plumes, stay for the sound.
— Robin Seemangal (@nova_road) January 24, 2018
A French space reporter just yelled "It's like the 4th of July!" pic.twitter.com/vJssukqgIz
Мавзуга оид
22:21 / 17.12.2024
SpaceX ракетаси янги авлод GPS сунъий йўлдошини орбитага олиб чиқди
20:07 / 16.12.2024
WSJ: Илон Маск ўз компанияси АҚШ ҳарбийлари ва разведка топшириғи билан космосга нималар жўнатаётганини билмайди
22:55 / 11.12.2024
Илон Маск 400 миллиард доллардан ортиқ бойликка эга дунёдаги биринчи одамга айланди
17:20 / 20.11.2024