Қўшимча функционаллар
-
Тунги кўриниш
Майянинг ўнлаб янги шаҳарлари топилди
Фото: Daniel Leclair / Reuters
Америкалик археологлар Гватемалада майя цивилизациясига тегишли, аввал фанга номаълум бўлган 60 мингдан ортиқ иншоот изларини аниқлашди. Олимларнинг фикрича, кўплаб суғориш каналлари, йўллар, қалъалар ва эҳромларнинг мавжудлиги қадимда бу ерларда ўнлаб йирик шаҳарлар бўлганига ишора қилмоқда, дейилади ArsTechnica'да.
Йўқолиб кетган цивилизация артефактлари Гватемала шимоли-шарқидан топилган. Олимлар лидарлар (лазер радарлари) ёрдамида жами 2 минг квадрат километрдан зиёд ҳудудни тадқиқ қилишган.
Олинган маълумотлар майя цивилизацияси аввал тахмин қилингандан-да кўпроқ аҳолига эга бўлганини кўрсатмоқда. Мутахассисларнинг дастлабки баҳоларига кўра, ушбу ҳудудда тахминан 10 миллион киши яшаган бўлиши мумкин.
Қадимги мезоамерика майя цивилизацияси замонавий Мексика, Гватемала ва Гондурас ҳудудларида тахминан 3,5 минг йил давомида мавжуд бўлган. Тахминан XVII асрнинг охирида унинг охирги мустақил шаҳри испанлар тасарруфига ўтган.
Мавзуга оид
16:05 / 30.11.2024
АҚШда оила эски қутидан XVIII асрга оид доллар топиб олди. Танга 100 минг долларга баҳоланмоқда
16:44 / 28.11.2024
Хитойда қадимги одамлар қолдиқлари топилди. Уларнинг боши анча катта
18:21 / 08.11.2024
Гватемалада собиқ Бош штаб бошлиғи учун қарийб 3 минг йил қамоқ жазоси сўралди
16:30 / 04.11.2024