Қўшимча функционаллар
-
Тунги кўриниш
Ўзбекистонда тезюрар йўловчи поездига яна тош отишди
Иллюстратив фото/Getty Images
Шу йилнинг 11 апрель куни соат 17.05ларда Фарғона вилоятининг Бувайда туманидаги “Қўқон-Бувайда” темир йўл бекатлари оралиғининг 9-10 км.да 59-сонли “Андижон-Тошкент” тезюрар йўловчи поезди вагонига номаълум шахс томонидан тош отилиши оқибатида вагоннинг дераза ойнаси синган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, бахтли тасодиф туфайли ҳеч ким жароҳатланмаган. Айни вақтда ҳуқуқбузарни аниқлаш юзасидан суриштирув ишлари олиб борилмоқда.
«Бундай ҳолатлар ачинарли албатта. Аксарият шу каби ножўя ишларни вояга етмаган, ҳаёт тажрибасига эга бўлмаган, ўз қилмишининг оқибатини фаҳмламайдиган ёшлар содир этадилар. Шунинг учун ота-оналардан ўз фарзандларига эътиборли бўлишларини сўраб қоламиз. Уларни бунёдкорлик руҳида тарбия қилинг, ўзгаларнинг фожиасига сабабчи бўлиб қолманг», - дейилади ИИВ хабарида.
Мавзуга оид
12:20 / 15.10.2024
Белгия Ўзбекистонда қимматбаҳо тошларни баҳолаш экспертларини тайёрлайди
07:53 / 05.04.2024
Тоғ тошларини ноқонуний талон-торож қилганларга чора кўрилди
20:04 / 05.01.2024
Чипта нархи оширилмайдиган маҳаллий поезд йўналишлари маълум қилинди
17:28 / 20.05.2023