Москва Дамашқни аввалдан огоҳлантирган

Фото: Hassan Ammar / AP

Сурия ҳукумати АҚШ, Британия ва Франция ракета зарбалари нишонига айланган ҳарбий объектларни аввалдан эвакуация қилишга улгурган. Бу ҳақда Reuters Дамашқни қўллаб-қувватловчи минтақавий альянсдаги манбага асосан хабар қилмоқда.

Унинг сўзларига кўра, эвакуация ишларини амалга ошириш лозимлиги ҳақидаги огоҳлантирув Россия томонидан берилган.

«Биз зарбани тутиб олдик... Бизга зарбалар яқин вақт ичида берилиши ҳақида Россиядан дастлабки огоҳлантириш келиб тушди ва ҳарбий базалар бир неча кун аввал эвакуация қилинди», - дея айтиб ўтди манба.

Эслатиб ўтамиз, аввалроқ АҚШ Штаб бошлиқлари бирлашган қўмитаси раиси Жозеф Данфорд Сурияга зарбалар серияси якунлангани ҳақида маълум қилганди.

#АҚШ #Сурия

АҚШ президенти Дональд Трамп 14 апрель куни Сурияга нисбатан ракета ҳужуми бошланганини билдирди. АҚШ ва унинг иттифоқчилари Сурияда кимёвий қуроллар ишлатилишига жавобан Асад ҳукуматига қарши ҳарбий амалиёт ўтказмоқда.