Турсинхон Худойбергановнинг ўғли ИИБдаги юқори лавозимга тайинланди

Фото: UzNews

Ички ишлар вазирлиги тизимида янги лавозим тайинлови рўй берди. Тошкент вилояти ИИБ Жиноят-қидирув бошқармасига янги бошлиқ тайинланган. Бу ҳақдаги маълумотни Kun.uz’га Тошкент вилояти ИИБдаги манба тасдиқлади.

Қайд этилишича, подполковник Ортиқ Турсинхонович Худойберганов Тошкент вилояти Ички ишлар бошқармаси Жиноят-қидирув бошқармаси бошлиғи лавозимига тайинланган. У шу пайтга қадар Оққўрғон туман ИИБ бошлиғи сифатида ишлаб келган.

Маълумот учун, Ортиқ Худойберганов Ўзбекистон президенти давлат маслаҳатчиси Турсинхон Худойбергановнинг ўғли саналади.

Эслатиб ўтамиз, аввалроқ ИИВ Халқаро аэропортларда хавфсизликни таъминлаш қўшинлари қўмондони тайинланганди.

#ИИВ #Турсинхон Худойберганов #Ортиқ Худойберганов