Туркия ҳарбийлари Сурия ҳудудига кирди

Фото: Bloomberg

Туркия ўз ҳарбийларини Сурия ҳудудига киритишни бошлади. Бу ҳақда Bloomberg ўз шахси сир қолишини истаган Туркиядаги манбага асосланган ҳолда хабар тарқатди.

Манбанинг айтишича, туркиялик ҳарбийларнинг вазифаси — курдларнинг қуролланган бўлинмаларини чегарадан узоқроққа чекинтириш ҳисобланади, у бошқа деталларни очиқламаган.

Эслатиб ўтамиз, Туркия президенти Ражаб Эрдўған 6 октябрь куни Сурия шимоли-шарқида ҳарбий амалиёт ўтказилишига тайёргарлик кўрилаётганини маълум қилганди. Бу амалиёт Анқара томонидан террорчи гуруҳ сифатида таснифланувчи курдларнинг Миллий мудофаа ортядларига қарши қаратилган. Курдларнинг ҳарбий бўлинмалари — АҚШнинг иттифоқчилари саналади. АҚШ президенти Дональд Трамп эса дастлаб америкалик ҳарбийлар Сурияни тарк этишини эълон қилди, аммо кўп ўтмасдан Туркияни курдларга қарши куч ишлатишдан тийилиш ҳақида огоҳлантирди.

#Туркия #курдлар #Сурия

Туркия 9 октябрь куни Сурия шимолидаги курдларга қарши қуруқликдаги ҳарбий кампания бошлади. «Тинчлик булоғи» номли амалиётдан мақсад - Туркия чегаралари яқинида террорчилар учун йўлак қолдирмаслик ҳисобланади