Қўшимча функционаллар
-
Тунги кўриниш
«Маҳалла раисларини керак бўлса ҳоким қилишга ҳам тайёрман» – Шавкат Мирзиёев
Президент Шавкат Мирзиёев Олий Мажлисга мурожаатида маҳаллаларда ишлаётган малакали ва ташаббускор кадрларни давлат идоралари раҳбарлик лавозимларига тавсия этиш тизими йўлга қўйилиши, эндиликда маҳалла раислари ва уларнинг ўринбосарларини ҳам тизимли равишда тайёрланишини маълум қилди.
«Маҳаллада ишлаётган малакали ва ташаббускор кадрларни давлат идоралари раҳбарлик лавозимларига тавсия этиш тизими йўлга қўйилади. Академиямизга [Ўзбекистон Республикаси президенти ҳузуридаги Давлат бошқаруви академияси назарда тутилмоқда – таҳр.] топшириқ бўлди, энди маҳалла раислари ва уларнинг ўринбосарларини ҳам тизимли [равишда] тайёрлаймиз.
Ургут, Шаҳрихонга ўхшаш катта-катта туманларимизда етти минг, саккиз минг аҳоли яшайдиган маҳаллаларимиз бор. Ўшалардаги маҳалла раисларини керак бўлса ҳоким қилишга ҳам тайёрман», деб айтган давлат раҳбари.
Мурожаатномада, шунингдек, маҳалла раислари ваколатлари кенгайтирилиши, туман бюджетининг 15 фоизи маҳалладаги муаммоларни ҳал қилишга йўналтирилиши ҳақида ҳам сўз борганди.
Мавзуга оид
15:58 / 08.02.2024
МФЙ биноларида ҳар куни тонгда давлат мадҳияси ижро этилмоқда
09:50 / 03.02.2024
Қимор ўйнагани учун ишдан олинган маҳалла раиси 1 йил ўтиб лавозимига қайтгани маълум бўлди
20:28 / 03.01.2024
Маҳалла раисининг ваколат муддати узайтирилиши мумкин
13:12 / 13.03.2023