Ургутда қарийб 1 килограмм марихуанани сотаётган шахс ушланди

Самарқанд вилояти Ургут туманида гиёҳвандлик савдосига чек қўйилган. Бу ҳақда Kun.uz’га вилоят божхона бошқармаси ахборот хизмати хабар бермоқда.

Фото: Самарқанд вилояти божхона бошқармаси ахборот хизмати

Маълум қилинишича, Самарқанд вилояти божхона бошқармаси Контрабандага қарши курашиш ва божхона аудити бўлими ҳамда ДХХ ходимлари билан ҳамкорликда Ургут туманида тезкор-тадбир ўтказилган.

Тадбир давомида, фуқаро Ф.Қ. томонидан вазни 907,66 грамм бўлган марихуана гиёҳвандлик моддасини “шартли харидор”га сотаётган вақтда ушланган. Унга нисбатан процессуал ҳужжатлар расмийлаштирилган.

Қайд этилишича, ҳозирда мазкур ҳолат юзасидан суриштирув ишлари олиб борилмоқда.

Ургутда гиёҳвандлик моддасини сотаётган шахс ушланди

Самарқандда ургутлик эркак 50 грамм опий билан ушланди

#Самарқанд #марихуана