Гулистонда «Москвич-Комби» машинаси ёниб кетди

Сирдарё вилояти Фавқулодда вазиятлар бошқармасининг хабар беришича, 2022 йил 15 феврал куни соат 09:56 ларда Гулистон тумани "Ишонч" МФЙ ҳудудидаги очиқ дала майдонида «Москвич-Комби» машинасида ёнғин содир бўлган.

Оқибатда, Гулистон шаҳрида яшовчи фуқаро В.Байрамов бошқарувида бўлган «Москвич-Комби» машинасининг мотор ва салон қисми ёниб кетган.

Ҳодиса жойига Гулистон шаҳар ФВБдан 2 та ёнғин-қутқарув экипажи соат 10:06 да етиб борган. Соат 10:11 да ёнғин тўлиқ ўчирилган.

Қайд этилишича, ёнғинда ҳеч ким тан жароҳати олмаган ва ҳалок бўлмаган. Фақат машина яроқсиз ҳолга келган. Ҳозирда ёнғин сабаби ва моддий зарар миқдори аниқланмоқда.