Чилонзорда Наврўз байрамига тайёргарлик бошланди

Фото: Чилонзор тумани ҳокимлиги

Чилонзор тумани ҳокимлиги, Тошкент шаҳар прокуратураси ва бошқа масъул ташкилотлар ҳамкорлигида туман ҳудудини ободонлаштириш ва кўкаламзорлаштириш юзасидан штаб йиғилиши бўлиб ўтди.

Штаб йиғилишида Тошкент шаҳар прокурори Улуғбек Қосимов, Чилонзор тумани ҳокими Шавкат Мавлонов, туман сектор раҳбарлари, мажмуалар бошқарма бўлим масъуллари, ободонлаштириш бошқармаси ишчилари иштирок этди.

Тадбир жараёнида туман ҳудудида олиб бориладиган ишлар режалаштириб олинди ва жалб қилинган техникалар ҳамда ишчилар маҳаллаларда тозалаш, ободонлаштириш ва кўкаламзорлаштириш ишларини бошлаб юборишди.