Қўшимча функционаллар
-
Тунги кўриниш
Республика велоспорт мактаб-интернати ташкил этилди
Вазирлар Маҳкамасининг “Республика велоспорт маҳорат мактаб-интернати фаолиятини ташкил этиш чора-тадбирлари тўғрисида”ги қарори қабул қилинди.
Фото: Getty Images
Norma’нинг ёзишича, мактаб-интернат ўқувчиларининг умумий контингенти 100 нафарни ташкил этади. Ўқувчиларга олимпия захиралари коллежлари ўқувчилари учун белгиланган суткалик озиқ-овқат нормаси татбиқ этилади.
Республика велоспорт маҳорат мактаб-интернатига велоспорт турлари бўйича белгиланган синов имтиҳонлардан муваффақиятли ўтган ўқувчилар 2022/2023 ўқув йилидан бошлаб ҳар йили 5-синфга қабул қилинади.
Мактаб-интернатнинг асосий вазифалари:
болалар-ўсмирлар спорт мактаблари, спорт клублари ёки бошқа спорт-таълим ташкилотларида спорт тайёргарлиги ўқув-машқ босқичи биринчи йил тайёргарлигидан ўтган ўқувчилар ўртасида танлов асосида мактаб-интернатга танлаб олиш;
республика ва халқаро мусобақаларда қатнашиш учун спорт захирасини терма жамоалар таркибига тайёрлаш;
ўқувчиларнинг республика ва халқаро мусобақаларда иштирок этиши учун зарур бўлган маҳорати ва кўникмалари ривожлантирилишини таъминлаш;
спорт захирасини сифатли тайёрлаш учун зарур ташкилий, ўқув-методик, психологик-педагогик, медико-биологик ва моддий-техник шарт-шароитларни таъминлаш.
Белгиланишича, мактаб-интернат ўқувчиларининг таълим олиши мактаб-интернатга яқин жойда жойлашган умумтаълим мактабларида ташкил этилади.
Мавзуга оид
14:02 / 10.05.2023
Ўзбекистонда велоспорт бўйича UCI тақвим режасига киритилган мусобақа ўтказилмоқда
22:43 / 31.01.2023
Ўзбекистонлик велопойгачи Анна Куликова допинг туфайли дисквалификация қилинди
15:17 / 14.10.2022
Велоспортчи Самандар Султонов Осиё чемпиони унвонидан маҳрум бўлди
11:55 / 09.09.2022