Қўшимча функционаллар
-
Тунги кўриниш
Самарқандда табиий газдан ноқонуний фойдаланиб келган корхона аниқланди
Оҳак пишириш корхонаси табиий газдан ноқонуний фойдаланиб, давлат манфаатларига 3,5 миллиард сўм зарар етказган.
Фото: Иқтисодий жиноятларга қарши курашиш департаменти
Бош прокуратура ҳузуридаги департаментнинг хабар беришича, департаментнинг Каттақўрғон туман бўлими томонидан “Ҳудудгаз Самарқанд” газ таъминоти филиали мутахассислари билан терговга қадар текширув ўтказилган.
Текширувда, тумандаги “Мирзо Улуғбек” МФЙ ҳудудидаги нотурар бинода фуқаро С.Х. табиий газ тармоғига ноқонуний уланиб, 4 дона оҳак пиширишга мўлжалланган қўлбола ясалган печларга 10 дона ностандарт газ ёндиргичларини ўзбошимчалик билан ўрнатиб ишлатгани натижасида, умумий даъво муддатидан келиб чиққан ҳолда давлат ва жамият манфаатларига 3,5 млрд сўм зарар етказилгани аниқланган.
Қайд этилишича, мазкур ҳолатлар юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ, Ўзбекистонда уч ойда 28 миллион куб метрдан ошиқ табиий газ ноқонуний ишлатилгани маълум қилинганди.
Мавзуга оид
17:31 / 28.08.2024
Электр энергияси ва табиий газ учун мажбурий тўловларни ундириш тартибига ўзгартиришлар киритилди
20:55 / 23.08.2024
Тошкентнинг қоқ марказидан мурожаат: Ёш болаларимиз бор, қачонгача иссиқ сувсиз ўтирамиз?
20:30 / 04.08.2024
Австрия 2027 йилга бориб Россия газидан воз кечади
18:12 / 03.08.2024