Қўшимча функционаллар
-
Тунги кўриниш
Жазоир суди одамни ёқиб юборган 49 кишини ўлимга ҳукм қилди
Улар ўрмонга ўт қўйишда ноҳақ айбланган шахсни ўзбошимчалик билан жазолаб, оловда куйдиришган эди.
Фото: Getty Images
Жазоир суди ўтган йили август ойида ўрмонларга ўт қўйганликда ноҳақ айбланган кишини ўзбошимчалик билан жазолаб, оловда куйдириб ўлдирган 49 кишига ҳукм ўқиди.
Legit портали хабарига кўра, уларнинг барчаси ўлимга маҳкум қилинган. Яна 15 киши турли муддатларга қамоқ жазосини олган.
38 ёшли Жамил бин Исмоил ўт қўйишда гумон қилинаётганини билиб, ўз ихтиёри билан полиция бўлимига борган. Шундан сўнг, оломон уни ушлаб олиб, ёқиб юборган. Жазоирдаги кучли ўрмон ёнғинлари бутун мамлакат бўйлаб камида 90 кишининг ҳаётига зомин бўлган эди.
Кейинчалик маълум бўлишича, Исмоил ёнғинларга алоқадор бўлмаган, балки кўнгилли сифатида ўтни ўчиришга ёрдам бериш учун вилоятга борган.
Жазоир шаҳри суди 24 ноябр куни «қотиллик ва жароҳат етказишда» айбдор деб топилган 49 кишини ўлимга маҳкум қилди.
Жазоирда охирги қатл 1993 йилда амалга оширилган. Шундан бери мамлакатда ўлим жазосига мораторий ўрнатилган эди.
Мавзуга оид
16:19
Танқиддан сўнг: 2 боланинг ўлимига сабабчи бўлган ҳайдовчи 3 йилга озодликдан маҳрум қилинди
18:12 / 23.12.2024
Байден ўлимга ҳукм этилган 37 нафар маҳбуснинг жазосини енгиллаштирди
21:28 / 18.12.2024
Гулистон ИИБ ТБ фуқаролик низосидан жиноят иши “ясади”. Терговчи янги йилни иссиқ уйида, 50 ёшли аёл эса Россия ҳибсхонасида кутиб оладими?
17:20 / 17.12.2024